കൊച്ചി: നടനും എംഎല്എയുമായ മുകേഷിന്റെ ആശയങ്ങളുമായി യോജിച്ച് പോകാനാകത്തതിനാലാണ് വിവാഹബന്ധം വേര്പെടുത്തുന്നതെന്ന് നര്ത്തകി മേതില് ദേവിക. ഒന്നും വാങ്ങിയെടുക്കാനല്ല ഇത്. അങ്ങനെ ഒരു ഉദ്ദേശവുമില്ല. രണ്ട് പേരുടെ ആശയങ്ങള് തമ്മില് യോജിച്ച് പോകുന്ന സാഹചര്യമല്ല എന്ന് തോന്നിയതിനാലാണ് ഇങ്ങനെ ഒരു തീരുമാനമെന്നും അവര് വ്യക്തമാക്കി.
മുകേഷിനോട് തനിക്ക് ഒരു വ്യക്തിവൈരാഗ്യവുമില്ല. മുകേഷിന്റെ കുടുംബത്തോടും എനിക്ക് പ്രശ്നമില്ല. കഴിഞ്ഞ ദിവസവും എന്നെ വിളിച്ചിരുന്നു. പുറത്തു കേള്ക്കുന്ന ഗോസിപ്പുകള് ശരിയല്ലെന്നും ദേവിക പറഞ്ഞതായി മനോരമന്യൂസ് റിപ്പോര്ട്ട് ചെയ്യുന്നു.
രണ്ട് പേരുടെ ആശയങ്ങള് തമ്മില് യോജിച്ച് പോകുന്ന സാഹചര്യമല്ല എന്ന് തോന്നിയതിനാലാണ് മുകേഷുമായുള്ള വിവാഹബന്ധം പിരിയുന്നതെന്ന് മേതില് ദേവിക.
ജീവിതത്തില് അദ്ദേഹം നല്ല ഭര്ത്താവായിരുന്നില്ല. കുടുംബജീവിതം നല്ല രീതിയില് കൊണ്ടുപോകാനായില്ല. എട്ടുവര്ഷം ഒരുമിച്ച് ജീവിച്ചിട്ടും അദ്ദേഹത്തെ എനിക്ക് മനസ്സിലാക്കാന് പറ്റിയില്ല. ഇനി മനസ്സിലാക്കാന് പറ്റുമെന്നും തോന്നുന്നില്ല. അതുകൊണ്ടാണ് ഈ തീരുമാനം എന്നും അവര് പറഞ്ഞു.
അതുകൊണ്ട് തിരഞ്ഞെടുപ്പ് കഴിഞ്ഞ ഉടനെ വക്കീല് നോട്ടീസ് അയച്ചു. എറണാകുളത്തെ അഭിഭാഷകന് വഴിയാണ് നോട്ടീസ് അയച്ചത്. കല്ല്യാണം നടന്നതും അവിടെവച്ചാണ്. ഒന്നും വാങ്ങിയെടുക്കാനല്ല ഇത്. അങ്ങനെ ഒരു ഉദ്ദേശവുമില്ല. ഇനി നാളെ വേര്പിരിഞ്ഞാലും നല്ല സുഹൃത്തായി തുടരും അവര് കൂട്ടിച്ചേര്ത്തു.
രാഷ്ട്രീയത്തിലേക്ക് ഇറങ്ങുമ്പോള് തന്നെ അതിന്റെ വരുംവരായ്കകള് അദ്ദേഹം തന്നെ അനുഭവിക്കണം എന്ന് പറഞ്ഞിരുന്നു. ഞാന് മനസ്സിലാക്കിയടത്തോളം അദ്ദേഹം നല്ല മനുഷ്യനാണ്. സ്നേഹിക്കാനൊക്കെ അറിയാവുന്ന മനുഷ്യനാണ്. രാഷ്ട്രീയത്തിലെ വിവാദങ്ങളെല്ലാം അദ്ദേഹം തന്നെ വരുത്തിവച്ചതാണ്. അത് തിരുത്താനൊന്നും അദ്ദേഹം തയ്യാറല്ലെന്നും ദേവിക കൂട്ടിച്ചേര്ത്തു.
എറണാകുളത്തെ അഭിഭാഷകന് മുഖാന്തരമാണ് മേതില് ദേവിക മുകേഷിന് നോട്ടീസ് അയച്ചത്. 2013 ഒക്ടോബര് 24 നായിരുന്നു മുകേഷും മേതില് ദേവികയും തമ്മിലുള്ള വിവാഹം. ഇരുവരുടെയും രണ്ടാം വിവാഹമായിരുന്നു.
മദ്യപാനവും തെറിവിളിയും പീഡനവും പതിവായതിനാല് മുകേഷുമായുള്ള ബന്ധം തുടര്ന്നുപോകാന് സാധിക്കാത്തതിനാലാണ് മേതില് ദേവിക കുടുംബകോടതിയെ സമീപിച്ചതെന്ന് മാധ്യമങ്ങള് റിപ്പോര്ട്ട് ചെയ്തിരുന്നു. പരസ്ത്രീ ബന്ധവും മദ്യപാനവും തെറിവിളിയും പീഡനവുമൊക്കെ ഉള്പ്പെടുത്തി വിശദമായ വിവാഹമോചന ഹര്ജിയാണ് നര്ത്തകി കുടുംബകോടതിയില് സമര്പ്പിച്ചിരിക്കുന്നതെന്നാണ് റിപ്പോര്ട്ട്.
കുറച്ചുകാലമായി മുകേഷുമായി വേര്പിരിഞ്ഞാണ് മേതില് ദേവികയുടെ താമസം. ആദ്യ വിവാഹത്തിലുണ്ടായ മകനൊപ്പം പാലക്കാട്ടെ അമ്മയുടെ വസതിയിലാണ് ദേവിക.
Discussion about this post