തിരുവനന്തപുരം: ഇത്തവണ സപ്ലൈകോ സൗജന്യ ഭക്ഷ്യക്കിറ്റിൽ ഉൾപ്പെടുത്തുമെന്ന് പ്രഖ്യാപിച്ചിരുന്ന ക്രീം ബിസ്കറ്റ് കിറ്റിൽ നിന്നും ഒഴിവാക്കി. ഓണത്തിന് റേഷൻ കടകൾ വഴി വിതരണം ചെയ്യുന്ന സൗജന്യ ഭക്ഷ്യക്കിറ്റിൽ കുട്ടികൾക്കായാണ് ക്രീം ബിസ്കറ്റ് ഉൾപ്പെടുത്തുമെന്ന് അറിയിച്ചിരുന്നത്. കുട്ടികളുടെ അഭ്യർഥന കണക്കിലെടുത്ത് ക്രീം ബിസ്കറ്റ് നൽകുമെന്ന് മന്ത്രി ജിആർ അനിൽ വാർത്തസമ്മേളനത്തിൽ പറഞ്ഞിരുന്നെങ്കിലും 22 കോടിയുടെ സാമ്പത്തിക ബാധ്യത കണക്കിലെടുത്താണ് ക്രീം ബിസ്കറ്റ് ഒഴിവാക്കിയത്.
ആദ്യഘട്ടത്തിൽ ആദ്യം 20 മിഠായികൾ അടങ്ങിയ ചോക്ലേറ്റ് പൊതി നൽകാനായിരുന്നു ആലോചിച്ചത്. പിന്നീട് പെട്ടെന്ന് ചീത്തയാകുമെന്ന് കണ്ട് പിന്നീട് ബിസ്കറ്റ് ഉൾപ്പെടുത്താൻ തീരുമാനിക്കുകയായിരുന്നു. സഞ്ചി ഉൾപ്പെടെ16 ഇനങ്ങൾ അടങ്ങിയ ഭക്ഷ്യക്കിറ്റ് വിതരണം ആഗസ്റ്റ് ഒന്നിന് ആരംഭിക്കും. ആദ്യദിവസങ്ങളിൽ മഞ്ഞ, പിങ്ക് കാർഡുടമകൾക്കും തുടർന്ന് നീല, വെള്ള കാർഡുകാർക്കും കിറ്റുകൾ വിതരണം ചെയ്യും.
കിറ്റിലെ സാധനങ്ങളും തൂക്കവും: പഞ്ചസാര-1 കിലോ വെളിച്ചെണ്ണ-500 ഗ്രാം ചെറുപയർ-500 ഗ്രാം തുവരപ്പരിപ്പ്-250 ഗ്രാം തേയില-100 ഗ്രാം മുളക്/ മുളക് പൊടി -100ഗ്രാം പൊടി ഉപ്പ്-1 കിലോഗ്രാം മഞ്ഞൾ-100ഗ്രാം സേമിയ-180ഗ്രാം/ പാലട-180 ഗ്രാം/ ഉണക്കലരി-500 ഗ്രാം കശുവണ്ടിപ്പരിപ്പ്-50ഗ്രാം ഏലയ്ക്ക-20 ഗ്രാം നെയ്യ്-50 മി.ലി ശർക്കരവരട്ടി/ ഉപ്പേരി-100 ഗ്രാം ആട്ട-1 കിലോ ശബരി ബാത്ത് സോപ്പ്-1
Discussion about this post