തിരുവനന്തപുരം: തെക്കുപടിഞ്ഞാറന് കാലവര്ഷം സംസ്ഥാനത്ത് വ്യാഴാഴ്ചയോടെ ശക്തിപ്രാപിക്കുമെന്ന് കേന്ദ്ര കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. അടുത്ത ദിവസങ്ങളില് കനത്തമഴയ്ക്ക് സാധ്യതയെന്നും കേന്ദ്രം അറിയിക്കുന്നു.
ജൂലായ് പത്തിന് കണ്ണൂര്, കാസര്കോട് ജില്ലകളില് അതിശക്തമായ മഴയുണ്ടായേക്കുമെന്നാണ് മുന്നറിയിപ്പ്. ഈ ജില്ലകളില് ശനിയാഴ്ച ഓറഞ്ച് ജാഗ്രത നല്കിയിട്ടുണ്ട്. ജനങ്ങള് അതീവ ജാഗ്രത പാലിക്കണമെന്ന് അധികൃതര് നിര്ദേശം നല്കി.
ബുധനാഴ്ച ആലപ്പുഴ, എറണാകുളം, ഇടുക്കി ജില്ലകള്ക്കും വ്യാഴാഴ്ച കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, തൃശ്ശൂര്, മലപ്പുറം, കോഴിക്കോട് ജില്ലകള്ക്കും വെള്ളിയാഴ്ച എറണാകുളം, ഇടുക്കി, തൃശ്ശൂര്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകള്ക്കും ശനിയാഴ്ച മലപ്പുറം, കോഴിക്കോട്, വയനാട് ജില്ലകള്ക്കും മഞ്ഞ അലര്ട്ട് നല്കിയിട്ടുണ്ട്.
Discussion about this post