തിരുവനന്തപുരം: സംസ്ഥാനത്ത് ഏര്പ്പെടുത്തിയ ലോക്ക്ഡൗണ് ഒരാഴ്ചത്തേക്ക് കൂടി നീട്ടി. ഇതോടെ മെയ് 23 വരെ കേരളത്തില് ലോക്ക്ഡൗണ് ആയിരിക്കും. വിദഗ്ധ സമിതിയുടെ ശുപാര്ശ കണക്കിലെടുത്താണ് തീരുമാനം.
നാല് ജില്ലകളില് ട്രിപ്പിള് ലോക്ക്ഡൗണും ഏര്പ്പെടുത്തും. എറണാകുളം, തിരുവനന്തപുരം, മലപ്പുറം, തൃശൂര് ജില്ലകളിലാകും ട്രിപ്പിള് ലോക്ക്ഡൗണ്. മറ്റു ജില്ലകളില് നിലവിലെ നിയന്ത്രണം തുടരും.
നിലവിലെ നിയന്ത്രണങ്ങള്ക്ക് പുറമെയാണ് നാലു ജില്ലകളില് കൂടുതല് നിയന്ത്രണം ഏര്പ്പെടുത്തുന്നത്. ഈ പ്രദേശങ്ങളില് 50 ശതമാനത്തിന് മുകളില് രോഗവ്യാപനത്തോത് റിപ്പോര്ട്ട് ചെയ്ത സാഹചര്യത്തിലാണ് നടപടി. രോഗവ്യാപനം കുറയ്ക്കാന് ആണ് ലോക്ക്ഡൗണ് നീട്ടുന്നതെന്ന് മുഖ്യമന്ത്രി പറഞ്ഞു.
തീവ്ര രോഗബാധിത മേഖലകളില് ഏര്പ്പെടുത്തുന്ന നിയന്ത്രണങ്ങള് ആണ് ട്രിപ്പിള് ലോക്ക്ഡൗണ്. രോഗങ്ങളുടെ വ്യാപനം നിയന്ത്രിക്കുന്നതിനുള്ള തന്ത്രമാണിത്.
മൂന്ന് ഘട്ടങ്ങള് ആയാണ് ട്രിപ്പിള് ലോക്ക്ഡൗണ് നടപ്പാക്കുന്നത്.
1. തീവ്ര രോഗബാധിത മേഖലയില് ആരും പ്രവേശിച്ചിട്ടില്ലെന്ന് ഉറപ്പുവരുകയെന്നതാണ് ആദ്യത്തെ ഘട്ടം
2. രോഗബാധിതരുടെ സമ്പര്ക്കം കൂടുന്ന സ്ഥലങ്ങള് കണ്ടെത്തി ആ സ്ഥലങ്ങളില് ലോക്ക് ഡൗണ് ഏര്പ്പെടുത്തും
3. രോഗം ബാധിച്ചവര് വീടുകളില് തന്നെ കഴിയുന്നുണ്ടെന്ന് ഉറപ്പുവരുത്തും. കമ്മ്യൂണിറ്റി വ്യാപനം തടയാന് വേണ്ടിയാണ് ഇത്തരത്തിലൊരു നടപടി സ്വീകരിക്കുന്നത്.
ട്രിപ്പിള് ലോക്ക്ഡൗണ്, ലോക്ക് ഡൗണ് തമ്മിലുള്ള വിത്യാസം?
കൊറോണ വൈറസിന്റെ വ്യാപനം തടയാന് വേണ്ടി ജനങ്ങള് ഒരു പ്രദേശത്ത് നിന്ന് പുറത്ത് പോവാതിരിക്കാന് ഏര്പ്പെടുത്തുന്ന അടിയന്തിര പെരുമാറ്റച്ചട്ടത്തെയാണ് ലോക്ക് ഡൗണ് എന്ന് പറയുന്നത്. ആവശ്യസര്വ്വീസുകള് ലോക്ക്ഡൗണില് പ്രവര്ത്തിക്കും. പലചരക്ക് പച്ചക്കറി കടകള്, ബാങ്കുകള് എന്നിവ ഇതില് ഉള്പ്പെടും. ഓഫീസ്, ഭക്ഷ്യസാധനങ്ങളുടെ ഗോഡൗണുകള് എന്നിവയെല്ലാം ലോക്ക്ഡൗണ് കാലത്ത് തുറന്ന് പ്രവര്ത്തിക്കാം.
എന്നാല് ട്രിപ്പിള് ലോക്ക്ഡൗണ് ഏര്പ്പെടുത്തിയ പ്രദേശങ്ങള് സീല് ചെയ്ത് പ്രവേശനം ഒരു വഴിയിലൂടെ മാത്രമാക്കും. ആ വഴിയില് ശക്തമായ പരിശോധകള് ഏര്പ്പെടുത്തും. പോലീസ് ഉദ്യോഗസ്ഥരുടെ നേതൃത്വത്തില് ആയിരിക്കും പരിശോധനകള് നടത്തുന്നത്. പല വഴിയിലൂടെ ഒരു പ്രദേശത്ത് എത്താന് സാധിക്കുന്ന വഴികള് എല്ലാം അടച്ചിടും. ചുരുക്കി പറഞ്ഞാല് കടുത്ത നിയന്ത്രണം
ട്രിപ്പിള് ലോക്ക് ഡൗണില് നിന്ന് ഒഴിവാക്കിയ സേവനങ്ങള് ഏതാണ്?
വിമാനത്താവളങ്ങള് പ്രവര്ത്തനങ്ങളെ ബാധിക്കില്ല. ട്രെയിന് സര്വീസുകള് നിര്ത്തിവെക്കാന് സാധിക്കില്ല. വിമാനത്താവളത്തിലേക്കും റെയില്വേ സ്റ്റേഷനിലേക്കും ടാക്സികള് ക്രമീകരിക്കാന് അനുവദിക്കും. എടിഎമ്മും അവശ്യ ബാങ്കിംഗ് പ്രവര്ത്തനങ്ങളും സാധിക്കും. ഡാറ്റ സെന്റര് ഓപ്പറേറ്റര്മാര് പ്രവര്ത്തിക്കും. മൊബൈല് സേവന കടകള് തുറക്കും. ആശുപത്രികളും മെഡിക്കല് ഷോപ്പുകളും പ്രവര്ത്തിക്കും. ചരക്ക് വാഹനങ്ങള്ക്ക് അനുമതി നല്കും.
അതേസമയം, കേരളത്തില് ഇന്ന് 34,694 പേര്ക്കാണ് കോവിഡ് സ്ഥിരീകരിച്ചത്. തിരുവനന്തപുരം 4567, മലപ്പുറം 3997, എറണാകുളം 3855, തൃശൂര് 3162, കൊല്ലം 2992, പാലക്കാട് 2948, കോഴിക്കോട് 2760, കണ്ണൂര് 2159, ആലപ്പുഴ 2149, കോട്ടയം 2043, ഇടുക്കി 1284, പത്തനംതിട്ട 1204, കാസര്ഗോഡ് 1092, വയനാട് 482 എന്നിങ്ങനേയാണ് ജില്ലകളില് ഇന്ന് രോഗബാധ സ്ഥിരീകരിച്ചത്.
https://www.facebook.com/132101216952841/posts/1915591428603802/
Discussion about this post