കൊല്ലം: അനുജന് ജ്യേഷ്ഠനെ തലയ്ക്കടിച്ച് കൊലപ്പെടുത്തിയ ശേഷം കുഴിച്ചിട്ടു. രണ്ടര വര്ഷത്തിന് ശേഷമാണ് ഞെട്ടിക്കുന്ന കൊലപാതകം പുറംലോകം അറിഞ്ഞത്. ഏരൂര് സ്വദേശിയായ ഷാജി പീറ്ററി(44)നെയാണ് അനുജന് സജിന് പീറ്റര് തലയ്ക്കടിച്ച് കൊലപ്പെടുത്തിയത്. മൃതദേഹം കുഴിച്ചിടാന് അമ്മയും ഭാര്യയും സഹായിക്കുകയും ചെയ്തിരുന്നു. മോഹന്ലാല് ചിത്രം ദൃശ്യം മോഡലായിരുന്നു കൊലപാതകം നടത്തിയതാണ് ഇപ്പോള് അമ്പരപ്പിക്കുന്നത്.
2018-ലെ ഓണക്കാലത്തായിരുന്നു സംഭവം. കൊലപാതകത്തിന് ശേഷം സജിന് പീറ്ററും അമ്മയും ചേര്ന്ന് ഷാജി പീറ്ററുടെ മൃതദേഹം രഹസ്യമായി കുഴിച്ചിടുകയായിരുന്നു. ഷാജി പീറ്റര് കൊല്ലപ്പെട്ട വിവരം ഇവര് ആരോടും വെളിപ്പെടുത്തിയിരുന്നില്ല. ഷാജിയെ അന്വേഷിച്ചവരോട് ഇയാള് മലപ്പുറത്ത് ജോലി ചെയ്യുകയാണെന്ന് പറഞ്ഞു. ശേഷം വര്ഷങ്ങളോളം കൊലപാതക വിവരം മറച്ചുവെയ്ക്കുകയായിരുന്നു.
അടുത്തിടെ സംശയം തോന്നിയ ഒരു ബന്ധുവാണ് സംഭവത്തെക്കുറിച്ച് പോലീസിന് വിവരം നല്കിയത്. തുടര്ന്ന് പോലീസ് അന്വേഷണം നടത്തുകയും ഷാജി പീറ്ററെ കൊലപ്പെടുത്തിയതാണെന്ന് കണ്ടെത്തുകയുമായിരുന്നു. വീട്ടില്നിന്ന് അകന്നുകഴിയുകയായിരുന്നു അവിവാഹിതനായ ഷാജി പീറ്റര്.
2018-ലെ ഓണക്കാലത്താണ് ഇയാള് കുടുംബവീട്ടില് മടങ്ങിയെത്തിയത്. ഇതിനിടെ സജിന് പീറ്ററിന്റെ ഭാര്യയോട് അപമര്യാദയായി പെരുമാറിയെന്നും തുടര്ന്നുണ്ടായ തര്ക്കത്തില് സജിന് പീറ്റര് ജ്യേഷ്ഠനെ തലയ്ക്കടിച്ച് കൊലപ്പെടുത്തിയെന്നുമാണ് ലഭിക്കുന്ന വിവരം. മരിച്ചെന്ന് ഉറപ്പായതോടെ അമ്മയുടെയും ഭാര്യയുടെയും സഹായത്തോടെ വീടിനടുത്ത പറമ്പില് മൃതദേഹം കുഴിച്ചിടുകയായിരുന്നു. സംഭവത്തില് സജിന് പീറ്റര്, അമ്മ പൊന്നമ്മ, ഭാര്യ ആര്യ എന്നിവരെ ഏരൂര് പോലീസ് കസ്റ്റഡിയിലെടുത്തു.
Discussion about this post