തിരുവനന്തപുരം: ശബരിമല വിഷയത്തില് ബിജെപി ദേശീയ നിര്വ്വാഹക സമിതി അംഗം സികെ പ്തമനാഭന് നടത്തി വരുന്ന നിരാഹാര സമരം ഇന്ന് ഏഴാം ദിവസത്തിലേയ്ക്ക് കടക്കുകയാണ്. പത്മനാഭന്റെ ആരോഗ്യസ്ഥിതി മോശമായി തുടരുകയാണെന്ന് ഡോക്ടര്മാര് പറയുന്നു.
ശബരിമലയിലെ നിരോധനാജ്ഞ നീക്കം ചെയ്യണമെന്നാവശ്യപ്പെട്ടാണ് ബിജെപി നേതാക്കള് നിരാഹാരമിരിക്കുന്നത്. ആദ്യം സത്യാഗ്രഹത്തിന് എത്തിയത് എഎന് രാധാകൃഷ്ണനായിരുന്നു. ഇദ്ദേഹത്തിന്റെ ആരോഗ്യനില മോശമായതിനെ തുടര്ന്നാണ് സമരം സികെ പത്മനാഭന് ഏറ്റെടുത്തത്. ഇപ്പോള് ഇദ്ദേഹത്തിന്റെ ആരോഗ്യനിലയുടെയും താളം തെറ്റിയിരിക്കുകയാണ്.
അതേസമയം ബിജെപിയുടെ സമരം 14 ദിവസം പിന്നിടുകയാണ്. നാളിത്ര കഴിഞ്ഞിട്ടും ചര്ച്ചയ്ക്ക് വിളിക്കാമെന്ന് സര്കക്കാര് പറഞ്ഞിട്ടില്ല. ഇന്ന് സെക്രട്ടറിയേറ്റിന് മുന്നിലെ സമര പരിപാടികള് സംസ്ഥാന പ്രസിഡന്റ് പിഎസ് ശ്രീധരന്പിള്ള ഉദ്ഘാടനം ചെയ്യും. സികെ പത്മനാഭന്റെ ആരോഗ്യനില മോശമായാല് സംസ്ഥാന ജനറല് സെക്രട്ടറി ശോഭ സുരേന്ദ്രന് സമരം ഏറ്റെടുത്തേക്കും.
Discussion about this post