തിരുവനന്തപുരം: സംസ്ഥാനത്ത് ഇടിയോടു കൂടിയ ശക്തമായ മഴയ്ക്കും കാറ്റിനും സാധ്യത. ഏപ്രില് 11 മുതല് 15 വരെ കേരളത്തില് ഒറ്റപ്പെട്ടയിടങ്ങളില് 30 40 കി.മി. വരെ വേഗതയില് വീശിയടിച്ചേക്കാവുന്ന കാറ്റിനും ഇടിമിന്നലോട് കൂടിയ മഴയ്ക്കും സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് അറിയിക്കുന്നത്.
ഉച്ചയ്ക്ക് 2 മണി മുതല് രാത്രി 10 മണിവരെയുള്ള സമയത്ത് ഇടിമിന്നലിനുള്ള സാധ്യത കൂടുതലാണ്. മലയോര മേഖലയില് ഇടിമിന്നല് സജീവമാകാനാണ് സാധ്യതയെന്ന് അറിയിക്കുന്നു. ഇടുക്കി, മലപ്പുറം, വയനാട് ജില്ലകളില് യെല്ലോ അലേര്ട്ട് പ്രഖ്യാപിച്ചു. ഏപ്രില് 14 ന് ഇടുക്കി, വയനാട് ജില്ലകളിലും ഏപ്രില് 15 ന് ഇടുക്കി, മലപ്പുറം, വയനാട ജില്ലകളിലുമാണ് യെലോ അലേര്ട്ട് പ്രഖ്യാപിച്ചിരിക്കുന്നത്.
ഒറ്റപ്പെട്ടയിടങ്ങളില് 24 മണിക്കൂറില് 64.5 എംഎം മുതല് 115.5 എംഎം വരെ ലഭിക്കുന്ന ശക്തമായ മഴ ഉണ്ടായേക്കുമെന്ന് സംസ്ഥാന ദുരന്ത നിവാരണ വകുപ്പ് അറിയിച്ചു. അടുത്ത 3 മണിക്കൂറില് തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് എന്നീ ജില്ലകളില് 40 കി.മി. വരെ വേഗതയില് വീശിയടിച്ചേക്കാവുന്ന കാറ്റിനും മഴയ്ക്കും സാധ്യതയുണ്ടെന്നും അറിയിക്കുന്നു.
Discussion about this post