കോഴിക്കോട്: കോണ്‍ഗ്രസ് നേതാക്കള്‍ക്കുപിറകെ ഇരട്ട വോട്ടില്‍ കുരുങ്ങി
ബിജെപി സംസ്ഥാന ജനറല്‍ സെക്രട്ടറിയും. ബിജെപി സംസ്ഥാന ജനറല്‍ സെക്രട്ടറിയും കോഴിക്കോട് നോര്‍ത്ത് മണ്ഡലത്തിലെ എന്‍ഡിഎ സ്ഥാനാര്‍ഥിയുമായ എംടി രമേശിന് ഇരട്ട വോട്ടുകളുണ്ടെന്നാണ് കണ്ടെത്തല്‍.
തിരുവനന്തപുരം മണ്ഡലത്തിലും കോഴിക്കോട് നോര്‍ത്ത് മണ്ഡലത്തിലും രമേശിന്
വോട്ടുണ്ടെന്നാണ് തെരഞ്ഞെടുപ്പ് കമ്മീഷന്റെ രേഖകളില്‍ നിന്ന് വ്യക്തമാകുന്നത്.
തിരുവനന്തപുരം മണ്ഡലത്തിലെ തൈക്കാട് വാര്‍ഡിലെ 98 നമ്പര്‍ ബുത്തിലാണ് രമേശിന്റെ വോട്ട്. 21/2788 എന്ന വീട്ടുനമ്പറിലാണ് വോട്ട് ചേര്‍ത്തത്.
അതേസമയം കോഴിക്കോട് നോര്‍ത്ത് മണ്ഡലത്തിലും വോട്ട് ചേര്‍ത്തു. നോര്‍ത്തില്‍ 35-ാം നമ്പര്‍ ബൂത്തിലാണ് രമേശിന് വോട്ട്. നിയമസഭാ തെരഞ്ഞെടുപ്പില്‍ സ്ഥാനാര്‍ഥിയായപ്പോള്‍ പോലും ഇരട്ട വോട്ട് ഒഴിവാക്കാന്‍ രമേശ് ശ്രമിച്ചില്ലെന്ന ആരോപണവുമുണ്ട്.
ഇരട്ടവോട്ട് ആരോപണത്തില്‍ നേരത്തെ രമേശ് ചെന്നിത്തലയുടെ അമ്മ അടക്കമുള്ളവര്‍ ഉള്‍പ്പെട്ടിരുന്നു. കോണ്‍ഗ്രസിന്റെ ആരോപണം ഏറ്റുപിടിച്ച ബിജെപി നേതാക്കളുടെയും ഇരട്ടവോട്ട് വിവരങ്ങള്‍ പുറത്തുവരികയാണ്. സംഭവത്തില്‍ എംടി രമേശ് ഇതുവരെ പ്രതികരിക്കാന്‍ തയ്യാറായിട്ടില്ല.