തിരുവനന്തപുരം: നിയമസഭ തെരഞ്ഞെടുപ്പിന് ശേഷം സംസ്ഥാനത്ത് കൊവിഡ് വ്യാപനം വര്ധിച്ചേക്കാമെന്ന് ചീഫ് സെക്രട്ടറി വിപി ജോയി. രോഗികളുടെ എണ്ണം കൂടുന്ന സ്ഥലങ്ങളില് കൂടുതല് നിയന്ത്രണം ഏര്പ്പെടുത്തുമെന്നും ചീഫ് സെക്രട്ടറി വിപി ജോയി പറഞ്ഞു. ഫോര്ട്ട് താലൂക്ക് ആശുപത്രിയില് വാക്സിന് സ്വീകരിച്ച ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
കൊവിഡ് രണ്ടാം തരംഗം ഉണ്ടാകാതിരിക്കാന് എന്ഫോഴ്സ്മെന്റും വാക്സിനേഷനും ടെസ്റ്റിങ്ങും നടത്തുന്നതിനുള്ള ഡൈനാമിക് ആയ പ്രവര്ത്തനമാണ് വേണ്ടത്. ഏതെങ്കിലും ഭാഗത്ത് രോഗം കൂടുന്നതായി കണ്ടാല് അവിടെ നിയന്ത്രണം ശക്തമാക്കണം. ആര്ടിപിസിആര് ടെസ്റ്റിങ് ശക്തമാക്കണം.
ആ പ്രദേശത്ത് 45 വയസ്സുകഴിഞ്ഞ എല്ലാവരും വാക്സിന് എടുത്തുവെന്ന് ഉറപ്പു വരുത്തണമെന്നും ചീഫ് സെക്രട്ടറി പറഞ്ഞു. 45 വയസ്സിന് മുകളിലുള്ളവര് വാക്സിന് സ്വീകരിച്ചാല് മരണനിരക്ക് ഉയരാതെ നിയന്ത്രിക്കാനാകുമെന്നും ചീഫ് സെക്രട്ടറി പ്രതീക്ഷ പ്രകടിപ്പിച്ചു.
Discussion about this post