കോഴിക്കോട്: ബാലുശ്ശേരിയിൽ സെലിബ്രിറ്റികളായ സ്ഥാനാർത്ഥികൾ വേണ്ടെന്നും പരിചയസമ്പന്നരായവരെയാണ് വേണ്ടതെന്നും ആവശ്യം ഉന്നയിച്ച് കെപിസിസിക്ക് പരാതി നൽകിയ യുഡിഎഫ് നിയോജക മണ്ഡലം കമ്മിറ്റിയിൽ ഭിന്നത. ധർമ്മജൻ ബോൾഗാട്ടിയെ സ്ഥാനാർത്ഥിയാക്കരുത് എന്ന് കാണിച്ച് നൽകിയ പരാതിയോട് യുഡിഎഫിന് യോജിപ്പില്ലെന്ന് യുഡിഎഫ് നിയോജകമണ്ഡലം കമ്മിറ്റി കൺവീനർ നിസാർ ചേളാരി പ്രതികരിച്ചു.
നേരത്തെ, സംഘടനാപ്രവർത്തനത്തിൽ ധർമ്മജനേക്കാൾ അനുഭവസ സമ്പത്തുള്ള സ്ഥാനാർത്ഥിയെ വേണമെന്നാണ് യുഡിഎഫിലെ ഒരു വിഭാഗം ആവശ്യപ്പെട്ടത്. ധർമ്മജൻ സ്ഥാനാർത്ഥിയായാൽ നടിയെ ആക്രമിച്ച കേസുൾപ്പടെ പ്രചാരണ വിഷയമാകുമെന്നും അത് തോൽവിക്ക് കാരണമാകുമെന്നും ചൂണ്ടിക്കാട്ടിയാണ് കെപിസിസി നേതൃത്വത്തിന് നേതാക്കൾ പരാതി നൽകിയിരുന്നത്.
എന്നാൽ ഇപ്പോഴിതാ, ഈ പരാതിയോട് യോജിപ്പില്ലെന്ന് പറഞ്ഞ് രംഗത്തെത്തിയിരിക്കുകയാണ് നിസാർ ചേളാരി. ഇതിനിടെ, ബാലുശേരിയിൽ 9 കോൺഗ്രസ് മണ്ഡലം കമ്മിറ്റികൾ ധർമ്മജന് പിന്തുണയുമായി എത്തിയിരിക്കുകയാണ്. ഇടതുകോട്ടയായ ബാലുശ്ശേരി പിടിക്കാൻ ധർമ്മജനെ പോലൊരു സ്ഥാനാർത്ഥിയെയാണ് വേണ്ടതെന്നും വിവിധ കോൺഗ്രസ് മണ്ഡലം കമ്മിറ്റികൾ നേതൃത്വത്തെ രേഖാമൂലം അറിയിച്ചു.
Discussion about this post