തൃശ്ശൂര്: തൃശ്ശൂര് ആളൂരില് പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസില് ഏഴ് പേര് അറസ്റ്റില്. പതിനെഴുകാരിയെ പ്രണയം നടിപ്പ് പീഢിപ്പിച്ചുവെന്ന പരാതിയില് 20 പേര്ക്ക് എതിരെയാണ് കേസെടുത്തിരിക്കുന്നത്. മറ്റ് പ്രതികളെ ഉടന് പിടികൂടുമെന്ന് പോലീസ് അറിയിച്ചു.
ആളൂര് സ്വദേശിനിയായ പെണ്കുട്ടിയാണ് പീഡനത്തിന് ഇരയായത്. ഒരു യുവാവുമായി പ്രണയത്തിലായിരുന്നു പെണ്കുട്ടി. പ്രണയം നടിച്ച് കൂട്ടിക്കൊണ്ടുപോയ കാമുകനാണ് കുട്ടിയെ ആദ്യം പീഡിപ്പിച്ചത്. പിന്നീട് യുവാവിന്റെ സുഹൃത്തുക്കളും പെണ്കുട്ടിയെ പീഡിപ്പിച്ചുവെന്ന് പരാതിയില് പറയുന്നു.
14 തവണ പീഡനത്തിനിരയായി എന്നാണ് പെണ്കുട്ടി പോലീസിന് നല്കിയിരിക്കുന്ന മൊഴി. യുവാവിന്റെ സുഹൃത്തുക്കളില് കൊച്ചി, തൃശ്ശൂര്, മലപ്പുറം എന്നീ മൂന്ന് ജില്ലകളില് നിന്നുള്ളവരും ഉണ്ട്. സംഭവത്തില് ഉള്പ്പെട്ട മുഴുവന് പ്രതികളേയും ഉടന് പിടികൂടുമെന്ന് പോലീസ് അറിയിച്ചു.
Discussion about this post