ഇടുക്കി: വരുന്ന നിയമസഭാ തെരഞ്ഞെടുപ്പില് പാലായിലെ യുഡിഎഫ് സ്ഥാനാര്ത്ഥി മാണി സി കാപ്പന് ആയിരിക്കുമെന്ന് പിജെ ജോസഫ്. തൊടുപുഴയില് മാധ്യമങ്ങളോട് സംസാരിക്കവേയാണ് പിജെ ജോസഫ് ഇക്കാര്യം പറഞ്ഞത്. കേരളാ കോണ്ഗ്രസിനുള്ള സീറ്റ് മാണി സി കാപ്പന് വിട്ടു കൊടുക്കുമെന്നും എന്സിപി ആയി തന്നെ പാലായില് നിന്ന് മാണി സി കാപ്പന് മത്സരിക്കുമെന്നും പിജെ ജോസഫ് പറഞ്ഞു.
അവസാന നിമിഷം അട്ടിമറി ഉണ്ടായ തൊടുപുഴ നഗരസഭ ഭരണം ഒരു വര്ഷത്തിനുള്ളില് യുഡിഎഫ് തിരിച്ച് പിടിക്കുമെന്നും പിജെ ജോസഫ് കൂട്ടിച്ചേര്ത്തു. യുഡിഎഫിലെ പ്രശ്നങ്ങളല്ല, കാലുമാറ്റമാണ് ഭരണം നഷ്ടമാകാന് കാരണമെന്നും പിജെ ജോസഫ് കൂട്ടിച്ചേര്ത്തു.
മധ്യതിരുവിതാംകൂറിലെ ഭൂരിപക്ഷം നഗരസഭകളിലും യുഡിഎഫ് ഭരണം പിടിച്ചു. ജോസ് കെ മാണിയുടെ അവകാശവാദം പൊള്ളയാണെന്ന് തെളിഞ്ഞെന്നും പിജെ ജോസഫ് പറഞ്ഞു.
Discussion about this post