തിരുവനന്തപുരം: സംസ്ഥാനത്ത് തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിന്റെ വോട്ടെണ്ണല് ആരംഭിച്ചിരിക്കുകയാണ്. ശക്തമായ ത്രികോണ മത്സരം നടക്കുന്ന തിരുവനന്തപുരം കോര്പറേഷനില് തപാല് വോട്ടുകള് എണ്ണിത്തുടങ്ങിയപ്പോള് എട്ട് വാര്ഡുകളില് എല്ഡിഎഫ് ലീഡ് ചെയ്യുന്നു.
പാല മുനിസിപ്പാലിറ്റിയിലും ആദ്യ സൂചനകള് പ്രകാരം എല്ഡിഎഫ് മുന്നിലാണ്.മുനിസിപ്പാലിറ്റികളിലെ ഫല സൂചനകളാണ് ആദ്യ മിനിറ്റുകളില് പുറത്തുവരുന്നത്. വര്ക്കല, നെയ്യാറ്റിന്കര മുനിസിപ്പാലിറ്റികളിലെ ആദ്യ ഫല സൂചനകളാണ് ഇപ്പോള് പുറത്തുവരുന്നത്. വര്ക്കലയില് എല്ഡിഎഫിന് മുന്തൂക്കം നല്കുന്നതാണ് ആദ്യ ഫലസൂചനകള്.
പോസ്റ്റല് വോട്ടുകള് എണ്ണി തുടങ്ങിയപ്പോള് എന്എസ്എസ് ആസ്ഥാനമായ ചങ്ങനാശേരിയില് എന്ഡിഎ ലീഡ് ചെയ്യുന്നു. ഏഴിടത്ത് എന് ഡി എ ലീഡ് ചെയ്യുന്നുവെന്നാണ് റിപ്പോര്ട്ട്. കൗണ്ടിംഗ് പാസ് ലഭിച്ചിട്ടുള്ള കൗണ്ടിംഗ് ഏജന്റുമാര്ക്ക് മാത്രമാണ് കൗണ്ടിംഗ് ഹാളില് പ്രവേശിക്കാന് അനുമതി.
കൗണ്ടിംഗ് ഓഫീസര് മാര് എല്ലാ വിധ കോവിഡ് മുന്കരുതലും സ്വീകരിച്ചുകൊണ്ടാണ് ഹാളിനുള്ളില് പ്രവേശിക്കുന്നത്. പോസ്റ്റല് വോട്ടുകള് എണ്ണി തുടങ്ങിയപ്പോള് എല്ഡിഎഫിനാണ് ലീഡ്.
Discussion about this post