തിരുവനന്തപുരം: പോലീസ് ആക്ട് ഭേദഗതി സര്ക്കാര് പിന്വലിച്ചു. വിവാദഭേദഗതി പിന്വലിക്കാനുള്ള ശുപാര്ശ മന്ത്രിസഭായോഗം അംഗീകരിക്കുകയായിരുന്നു. ഭേദഗതി റദ്ദാക്കാനുള്ള ഓര്ഡിനന്സ് ഗവര്ണറുടെ അംഗീകാരത്തിന് അയയ്ക്കും. നിയമഭേദഗതി റദ്ദാക്കി കൊണ്ടുള്ള റിപിലീംഗ് ഓര്ഡര് ഉടനെ പുറത്തിറങ്ങും. ഏതു തരം മാധ്യമങ്ങള് വഴിയും ആക്ഷേപം നടത്തിയാല് പോലീസിന് പരാതിയുടെ അടിസ്ഥാനത്തിലും സ്വന്തം നിലയിലും കേസ് എടുക്കാന് അധികാരം നല്കുന്നതായിരുന്നു വിവാദ ഓര്ഡിനന്സ്.
ഇതിനെതിരെ വലിയ വിമര്ശനങ്ങള് ഉയര്ന്നിരുന്നു. ഈ പശ്ചാത്തലത്തിലാണ് ഭേദഗതി പിന്വലിക്കാന് സര്ക്കാര് തീരുമാനം എടുത്തത്. സാധാരണഗതിയില് ബുധനാഴ്ച ദിവസമാണ് മന്ത്രിസഭായോഗം ചേരാറുള്ളത്. എന്നാല് മന്ത്രിസഭായോഗത്തില് പങ്കെടുക്കേണ്ട ചീഫ് സെക്രട്ടറിയുടെ അസൗകര്യം കണക്കിലെടുത്ത് ചൊവ്വാഴ്ച വൈകിട്ട് 3.30-ന് മന്ത്രിസഭായോഗം ചേരുകയും വിവാദഭേദഗതി പിന്വലിക്കാന് തീരുമാനിക്കുകയുമായിരുന്നു.
Discussion about this post