തിരുവനന്തപുരം: തദ്ദേശ തെരഞ്ഞെടുപ്പ് പ്രചരണത്തിനിടെ സ്ഥാനാര്ത്ഥി മരം വീണ് മരിച്ചു. നെയ്യാറ്റിന്കര കരോട് പുതിയ ഉച്ചക്കട വാര്ഡിലെ കോണ്ഗ്രസ് സ്ഥാനാര്ഥി ഗിരിജ കുമാരിയാണ് മരിച്ചത്.മരം മുറിക്കുന്നതിനിടെ അബദ്ധത്തില് ഗിരിജയുടെ ശരീരത്തിലേക്കു മരം വീഴുകായായിരുന്നു. ഗുരതരമായി പരിക്കേറ്റ ഗിരിജയെ ഉടന് ആശുപത്രിയിലെത്തിച്ചുവെങ്കിലും മരണം സംഭവിച്ചു.
തദ്ദേശ സ്ഥാപനങ്ങളിലെ പൊതുതിരഞ്ഞെടുപ്പ് മൂന്നു ഘട്ടങ്ങളിലായി ഡിസംബര് 8, 10, 14 തീയതികളില് നടത്താനാണ് തീരുമാനം. തിരുവനന്തപുരം, കൊല്ലം, പത്തനംതിട്ട, ആലപ്പുഴ ഇടുക്കി ജില്ലകളില് ഡിസംബര് 8 നും കോട്ടയം, എറണാകുളം, തൃശ്ശൂര്, പാലക്കാട്, വയനാട് ജില്ലകളില് 10 നും മലപ്പുറം കോഴിക്കോട്, കണ്ണൂര്, കാസര്കോഡ് ജില്ലകളില് 14 നുമാണ് തിരഞ്ഞെടുപ്പ്. വോട്ടെടുപ്പ് സമയം രാവിലെ 7 മുതല് വൈകുന്നേരം 6 മണിവരെയാണ് . വോട്ടെണ്ണല് ഡിസംബര് 16 ന് രാവിലെ 8 മണി മുതല് ആരംഭിക്കും.
Discussion about this post