പത്തനംതിട്ട: ബിലീവേഴ്സ് ചര്ച്ചിന്റെ സ്ഥാപനങ്ങളില് നടന്ന റെയ്ഡില് കണക്കില്പ്പെടാത്ത അഞ്ച് കോടി രൂപ ആദായ നികുതി വകുപ്പ് പിടിച്ചെടുത്തു. ബിലിവേഴ്സ് സ്ഥാപനങ്ങളില് ആദായ നികുതി വകുപ്പിന്റെ കണക്കെടുപ്പ് തുടരുകയാണ്. നൂറ് കോടി രൂപയുടെ സാമ്പത്തിക ഇടപാട് സംബന്ധിച്ചാണ് പരിശോധന. വിദേശത്ത് നിന്ന് വന്ന ഫണ്ട് വ്യാപകമായി വകമാറ്റിയെന്നും ആദായ നികുതി വകുപ്പ് പറയുന്നു.
കഴിഞ്ഞ ദിവസം തിരുവല്ലയിലെ സഭ ആസ്ഥാനത്ത് നടത്തിയ റെയ്ഡില് അരക്കോടിയലധികം രൂപയാണ് ആദായനികുതി വകുപ്പ് പിടിച്ചെടുത്തത്. കാറിന്റെ ഡിക്കിയില് നിന്നാണ് രൂപ പിടിച്ചെടുത്തത്. സംസ്ഥാനത്തെ വിവിധ ജില്ലകളിലുള്ള ബിലീവേഴ്സ് ഈസ്റ്റേണ് സഭയുടെ 40 സ്ഥാപനങ്ങളിലാണ് കഴിഞ്ഞ ദിവസം ആദായ നികുതി വകുപ്പ് പരിശോധന നടത്തിയത്. സഭയുടെ ഉടമസ്ഥതയിലുള്ള സ്കൂളുകള്, കോളേജുകള്, ട്രസ്റ്റുകളുടെ ഓഫീസുകള് എന്നിവിടങ്ങളിലും ബിഷപ്പ് കെപി യോഹന്നാന്റെ വീട്ടിലും അദായ നികുതി വകുപ്പ് പരിശോധന നടത്തിയിരുന്നു.
വിവിധ സംസ്ഥാനങ്ങളിലെ ആദായ നികുതി വകുപ്പ് ഉദ്യോഗസ്ഥരുടെ നേതൃത്വത്തിലാണ് റെയ്ഡ് നടക്കുന്നത്. റെയ്ഡ് തുടരുന്നതിനാല് കനത്ത സുരക്ഷ വേണമെന്നാണ് പോലീസിനോട് ഇടി ആവശ്യപ്പെട്ടിരിക്കുന്നത്. അതേസമയം തിരുവല്ലയിലെ ബിലിവേഴ്സ് ചര്ച്ച് ആസ്ഥാനത്ത് അടക്കം സംസ്ഥാനത്തെ 40ല് അധികം കേന്ദ്രങ്ങളില് തുടരുന്ന പരിശോധനയില് നിര്ണായക വിവരങ്ങളാണ് ആദായ നികുതി വകുപ്പിന് ലഭിച്ചിരിക്കുന്നത്. ബിഷപ്പ് കെപി യോഹന്നാനുമായി ബന്ധപ്പെട്ട ബാങ്ക് അക്കൗണ്ടുകള് വഴി നടന്ന പണമിടപാടുകളും നികുതി വെട്ടിപ്പുകളും അടിസ്ഥാനമാക്കി വരും ദിവസങ്ങളിലും പരിശോധന തുടരുമെന്നാണ് വിവരം.
ഇന്നലെ രാവിലെ ഏഴ് മണിയോടെ ആരംഭിച്ച റെയ്ഡ് രാത്രി ഏറെ വൈകിയാണ് അവസാനിച്ചത്. ചില സാമ്പത്തിക ഇടപാടുകളുടെ രേഖകളിലെ വിവരങ്ങള് അനുസരിച്ച് സഭക്ക് പുറത്തേക്കും പരിശേധന നീളുമെന്ന സൂചനകളാണ് ലഭിക്കുന്നത്. അതേസമയം റെയ്ഡിനോട് തങ്ങള് സഹകരിക്കുന്നുണ്ടെന്നും അത് പൂര്ത്തിയാകുന്ന മുറക്ക് മറ്റ് കാര്യങ്ങളില് പ്രതികരിക്കാമെന്നുമാണ് ബിലീവേഴ്സ് സഭാ നേതൃത്വം നല്കുന്ന വിശദീകരണം.
Discussion about this post