പൊന്നാനി: എസ്എംഎ പൊന്നാനി റീജ്യണല്‍ കമ്മിറ്റിക്ക് കീഴില്‍ ഒരു മാസം നീണ്ട് നില്‍ക്കുന്ന മീലാദ് ആഘോഷ വിളംബരം സംഘടിപ്പിച്ചു. ഈ മാസം 17 ന് വിളംബര ദിനമായി ആചരിച്ചു. 18 മുതല്‍ കൊവിഡ് മാനദണ്ഡം പാലിച്ചാണ് പ്രവാചക പ്രകീര്‍ത്തന സദസ്സ് സംഘടിപ്പിക്കുന്നത്. പ്രമുഖ സയ്യിദുമാരും പ്രസ്താനിക നായകരുമാണ് പരിപാടിക്ക് നേതൃത്വം നല്‍കിയത്.
പരിപാടിയുടെ ഭാഗമായി ഒരോ കുടുംബവും വീടുകളില്‍ ഒരു ലക്ഷം വീതം സ്വലാത്ത് ചൊല്ലി, ഇതിനുപുറമെ, ഖത്മുല്‍ ഖുര്‍ആന്‍, അന്നദാന വിതരണം, ബുര്‍ദ്ദ ആസ്വാദനം തുടങ്ങിയവയും നടന്നു. കൊവിഡ് വ്യാപനത്തിന്റെ സാഹചര്യത്തില്‍ ഓണ്‍ലൈന്‍ വഴി പരിപാടികള്‍ കൂടുതല്‍ പേരിലേക്ക് എത്തിക്കുകയും ചെയ്തു. പരിപാടികളുടെ പ്രഖ്യാപനം എസ്എംഎ ജില്ലാ ഉപാദ്ധ്യക്ഷനും സംസ്ഥാന ഹജ്ജ് കമ്മിറ്റിയംഗവുമായ കെ.എം മുഹമ്മദ് കാസിം കോയ നിര്‍വ്വഹിച്ചു.
ജഅഫര്‍ അസ്ഹരി കൈപ്പമംഗലം പ്രാര്‍ത്ഥനക്ക് നേതൃത്വം നല്‍കി. യുസഫ് ബാഖവി അദ്ധ്യക്ഷത വഹിച്ചു. സിദ്ധീഖ് അന്‍വരി പി ഷാഹുല്‍ ഹമീദ്, ഇസ്മായീല്‍ അന്‍വരി, കെഎം ഇബ്രാഹീം ഹാജി, സി എം ഹനീഫ എന്നിവര്‍ ചടങ്ങില്‍ സംബന്ധിച്ചു.
Discussion about this post