തിരുവനന്തപുരം: കൊവിഡ് ബാധിക്കുന്ന ആരോഗ്യപ്രവര്ത്തകരുടെ എണ്ണം ഉയരുന്നു. ഇന്ന് 128 ആരോഗ്യ പ്രവര്ത്തകര്ക്കാണ് സമ്പര്ക്കത്തിലൂടെ രോഗം ബാധിച്ചത്. മലപ്പുറം 30, തിരുവനന്തപുരം 15, പാലക്കാട്, കണ്ണൂര് 14 വീതം, കാസര്ഗോഡ് 13, ആലപ്പുഴ 11, കോട്ടയം 10, തൃശൂര്, കോഴിക്കോട് 8 വീതം, എറണാകുളം 2, കൊല്ലം, പത്തനംതിട്ട, ഇടുക്കി 1 വീതം ആരോഗ്യ പ്രവര്ത്തകര്ക്കാണ് രോഗം ബാധിച്ചത്.
ദിനംപ്രതി രോഗം ബാധിക്കുന്ന ആരോഗ്യ പ്രവര്ത്തകരുടെ എണ്ണം കുതിച്ചുയരുന്നത് ആശങ്ക ഉയര്ത്തുന്നുണ്ട്. ഈ മാസം മാത്രം രോഗം ബാധിച്ചത് 1500ഓളം ആരോഗ്യ പ്രവര്ത്തകര്ക്കാണ്. അതേസമയം സംസ്ഥാനത്ത് ഇന്ന് 7789 പേര്ക്ക് കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയന് അറിയിച്ചു.23 മരണങ്ങളാണ് കൊവിഡ്-19 മൂലമാണെന്ന് സ്ഥിരീകരിച്ചത്. ഇതോടെ ആകെ മരണം 1089 ആയി. വ്യാഴാഴ്ച രോഗം സ്ഥിരീകരിച്ചവരില് 126 പേര് യാത്രാചരിത്രമുള്ളവരാണ്. 6486 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 1049 പേരുടെ സമ്പര്ക്ക ഉറവിടം വ്യക്തമല്ല. 128 ആരോഗ്യ പ്രവര്ത്തകര്ക്കാണ് സമ്പര്ക്കത്തിലൂടെ രോഗം ബാധിച്ചത്.
രോഗം സ്ഥിരീകരിച്ച് ചികിത്സയിലായിരുന്ന 7082 പേരുടെ പരിശോധനാഫലം നെഗറ്റീവ് ആയി. ഇതോടെ 94,517 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 2,22,231 പേര് ഇതുവരെ കൊവിഡില് നിന്നും മുക്തി നേടി.സംസ്ഥാനത്തെ വിവിധ ജില്ലകളിലായി 2,74,672 പേരാണ് ഇപ്പോള് നിരീക്ഷണത്തിലുള്ളത്.കഴിഞ്ഞ 24 മണിക്കൂറിനിടെ 50,154 സാമ്പിളുകളാണ് പരിശോധിച്ചത്.
Discussion about this post