തിരുവനന്തപുരം: ആരാധനാലയങ്ങളില് ഒരു സമയം പരമാവധി 20 പേരെ അനുവദിക്കാന് മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന ഉന്നതതല യോഗത്തില് തീരുമാനമായി. സാധാരണ ഘട്ടങ്ങളിലാണ് എല്ലാ ആരാധനാലയങ്ങളിലും പരമാവധി 20 പേരെ അനുവദിക്കുക.
ഹിന്ദു ആരാധനാലയങ്ങളില് വിശേഷ പൂജ, പ്രത്യേക ചടങ്ങുകള് എന്നിവ നടക്കുമ്പോള് അതത് ആരാധനാലയങ്ങളുടെ സൗകര്യത്തിന്റെ അടിസ്ഥാനത്തില് 40 പേരെ വരെ അനുവദിക്കുമെന്ന് നിര്ദേശത്തില് വ്യക്തമാക്കി.
മുസ്ലിം പള്ളികളിലെ വെള്ളിയാഴ്ച പ്രാര്ത്ഥനയ്ക്കും ക്രിസ്ത്യന് പള്ളികളിലെ ഞായറാഴ്ച കുര്ബാനയ്ക്കും അതത് സ്ഥലത്തെ സൗകര്യത്തിനനുസരിച്ച് കൊവിഡ് മാനദണ്ഡങ്ങള് പാലിച്ച് 40 പേരെ വരെ അനുവദിക്കും. ശബരിമലയില് തുലാമാസ പൂജാ ദിവസങ്ങളില് കൊവിഡ് മാനദണ്ഡങ്ങള് പാലിച്ച് ദിവസം പരമാവധി 250 പേരെ വരെ ദര്ശനത്തിന് അനുവദിക്കും.
Discussion about this post