തിരുവനന്തപുരം: ബംഗാള് ഉള്ക്കടലില് ഇന്ന് ന്യൂനമര്ദം രൂപപ്പെടുന്നതോടെ കേരളത്തില് അതിതീവ്ര മഴയ്ക്ക് സാധ്യത. വടക്ക് കിഴക്കന് ബംഗാള് ഉള്ക്കടലില് ഇന്ന് ന്യൂനമര്ദം രൂപ്പെടുമെന്നാണ് കാലാവസ്ഥാ നിരീക്ഷണകേന്ദ്രത്തിന്റെ പ്രവചനം. ഇന്ന് നാല് ജില്ലകളിലാണ് റെഡ് അലേര്ട്ട് പ്രഖ്യാപിച്ചിരിക്കുന്നത്.
ഇടുക്കി, മലപ്പുറം, കണ്ണൂര്, കാസര്കോട് എന്നീ ജില്ലകളിലാണ് ഇന്ന് റെഡ് അലേര്ട്ട് പ്രഖ്യാപിച്ചിരിക്കുന്നത്. ആറ് ജില്ലകളില് ഓറഞ്ച് അലേര്ട്ടുമുണ്ട്. മഴക്കൊപ്പം ശക്തമായ കാറ്റിനും സാധ്യതയുണ്ടെന്നാണ് അധികൃതര് അറിയിച്ചത്.
കടല് പ്രക്ഷുബ്ധമായതിനാല് മത്സ്യത്തൊഴിലാളികള് കടലില് പോകരുതെന്നാണ് നിര്ദേശം.അതിതീവ്ര മഴ പ്രഖ്യാപിച്ച ജില്ലകളിലെ ദുരന്ത സാധ്യതാ മേഖലകളില് ഉള്ളവരെ ക്യാമ്പുകളിലേക്ക് മാറ്റാന് നടപടി തുടങ്ങിയിട്ടുണ്ട്. കഴിഞ്ഞ ദിവസം വടകരയിലാണ് ഏറ്റവും കൂടുതല് മഴ രേഖപ്പെടുത്തിയത്.
Discussion about this post