കൊച്ചി: നടിയെ ആക്രമിച്ച കേസില് പ്രതിയായ നടന് ദിലീപിന്റെ ജാമ്യം റദ്ദാക്കണമെന്ന ആവശ്യവുമായി പ്രോസിക്യൂഷന്. കോടതിയില് അപേക്ഷ സമര്പ്പിക്കുകയും ചെയ്തു. കേസിലെ പ്രധാന സാക്ഷിയെ സ്വാധീനിക്കാന് അഭിഭാഷകന് വഴി ശ്രമിച്ചെന്ന് ചൂണ്ടിക്കാട്ടിയാണ് ജാമ്യം റദ്ദാക്കണമെന്ന ആവശ്യവുമായി രംഗത്തെത്തിയിരിക്കുന്നത്.
കേസ് കോടതി ചൊവ്വാഴ്ച പരിഗണിക്കും. ദിലീപിന് എതിരായ മൊഴി നല്കിയ ചില സാക്ഷികള് കോടതിയില് മൊഴിമാറ്റിപ്പറഞ്ഞതിന് പിന്നാലെ പ്രധാന സാക്ഷിയും മൊഴി മാറ്റിയതിനെ തുടര്ന്നാണ് പ്രോസിക്യൂഷന് ജാമ്യം റദ്ദാക്കാന് കോടതിയെ സമീപിച്ചത്.
തൃശൂര് ടെന്നീസ് ക്ലബില് വച്ച് ദിലീപും പള്സര് സുനിയും തമ്മില് കൂടിക്കാഴ്ച നടത്തുന്നത് കണ്ടുവെന്ന് മൊഴി നല്കിയ സാക്ഷിയെ സ്വാധീനിക്കാന് ശ്രമിച്ചുവെന്നും പ്രോസിക്യൂഷന് ആരോപിക്കുന്നു.
Discussion about this post