കൊച്ചി:മുന് ഐടി ഫെലോ അരുണ് ബാലചന്ദ്രനെ കസ്റ്റംസ് ചോദ്യം ചെയ്യുന്നു. കഴിഞ്ഞദിവസം എത്താന് നോട്ടീസ് നല്കിയിരുന്നെങ്കിലും അരുണ് വ്യക്തിപരമായ അസൗകര്യം അറിയിച്ചു. തുടര്ന്നാണ് ഇന്ന് ഹാജരായത്.
അരുണ് ബാലചന്ദ്രന് സെക്രട്ടേറിയറ്റിന് സമീപത്ത് എടുത്ത് നല്കിയ ഫ്ളാറ്റിലാണ് സ്വര്ണ്ണക്കടത്ത് കേസിലെ പ്രതികള് ഗൂഢാലോചന നടത്തിയതെന്ന് കസ്റ്റംസ് കണ്ടെത്തിയിരുന്നു. മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം ശിവശങ്കരന് പറഞ്ഞിട്ടാണ് ഫ്ളാറ്റ് എടുക്കാന് സഹായിച്ചതെന്ന് അരുണ് പിന്നീട് വ്യക്തമാക്കിയിരുന്നു.
പ്രതികള് ഫ്ളാറ്റിലുണ്ടായിരുന്ന സമയത്ത് അരുണ് അവിടെ സന്ദര്ശിച്ചിട്ടുണ്ടോ, പ്രതികളുമായി കൂടുതല് അടുപ്പമുണ്ടോ തുടങ്ങിയ വിവരങ്ങളാണ് കസ്റ്റംസ് ചോദിക്കുക. ജനം ടിവി കോര്ഡിനേറ്റിംഗ് എഡിറ്റര് അനില് നമ്പ്യാരോടും അരുണ് ബാലചന്ദ്രനോടും ഇന്നലെയാണ് ചോദ്യം ചെയ്യലിന് എത്താന് കസ്റ്റംസ് നിര്ദേശിച്ചിരുന്നത്.
എന്നാല് ഇന്നലെ അനില് നമ്പ്യാര് മാത്രമാണ് ചോദ്യം ചെയ്യലിന് എത്തിയത്. അതേസമയം അനില് നമ്പ്യാര്ക്ക് ക്ലീന് ചിറ്റില്ല. മൊഴിയില് വ്യക്തതയില്ലെന്നും മൊഴി വിശദമായി പരിശോധിച്ച ശേഷം വീണ്ടും ചോദ്യം ചെയ്യുമെന്നും കസ്റ്റംസ് അറിയിച്ചിരുന്നു. നയതന്ത്ര ചാനല് വഴി സ്വര്ണം കടത്തിയ കുറ്റമേല്ക്കാന് സരിതിനോട് പറയണമെന്ന് അനില് നമ്പ്യാര് ഉപദേശിച്ചതായി സ്വപ്നയുടെ മൊഴിയുണ്ടായിരുന്നു. ഇതിന്റെ അടിസ്ഥാനത്തിലായിരുന്നു ചോദ്യം ചെയ്യല്.
സ്വര്ണക്കടത്ത് കേസ് പ്രതി സ്വപ്നയുമായി അടുത്ത ബന്ധമുണ്ടായിരുന്ന അനില് സ്വര്ണക്കടത്ത് പിടികൂടിയ ദിവസം സ്വപ്ന യുമായി സംസാരിച്ചിരുന്നുവെന്ന് കസ്റ്റംസ് കണ്ടെത്തിയിരുന്നു. വിദേശത്തുള്ള ഒരു കേസിന്റെ പേരില് അനിലിന് യാത്രാ വിലക്കുണ്ടായിരുന്നു. സ്വപ്ന സുരേഷ് ഇടപെട്ട് ഈ യാത്രാവിലക്ക് നീക്കി നല്കിയെന്നും സ്വപ്ന കസ്റ്റംസിന് മൊഴി ലഭിച്ചിരുന്നു.
Discussion about this post