കോഴിക്കോട്: കനത്ത മഴയുണ്ടാകുമെന്ന മുന്നറിയിപ്പിന്റെ അടിസ്ഥാനത്തില് കോഴിക്കോട് ജില്ലയില് ഓഗസ്റ്റ് ഏഴ് വരെ ഓറഞ്ച് അലേര്ട്ട് പ്രഖ്യാപിച്ചു. ഇതിന്റെ അടിസ്ഥാനത്തില് ജനങ്ങള് അതീവ ജാഗ്രത പാലിക്കണമെന്ന് ജില്ലാ ഭരണകൂടം അറിയിച്ചു.
ബംഗാള് ഉള്ക്കടലില് ന്യൂനമര്ദം രൂപപ്പെടുന്നതുമായി ബന്ധപ്പെട്ട് കേരളത്തില് അടുത്ത ദിവസങ്ങളില് ഒറ്റപ്പെട്ട അതിശക്തമായ മഴക്ക് സാധ്യതയുള്ളതിനാലാണ് ഓറഞ്ച് അലേര്ട്ട് പ്രഖ്യാപിച്ചിരിക്കുന്നത്. ശക്തമായ മഴ ലഭിക്കുന്ന സാഹചര്യമുണ്ടായാല്, അത് ഉരുള്പൊട്ടല്, മണ്ണിടിച്ചില്, വെള്ളപ്പൊക്കം തുടങ്ങിയ ദുരന്തങ്ങളിലേക്ക് നയിക്കാന് സാധ്യത കൂടുതലായതിനാല് ജാഗ്രത പുലര്ത്തണമെന്നും ജില്ലാ ഭരണകൂടം അറിയിച്ചു.
Discussion about this post