തിരുവനന്തപുരം: എസ്എസ്എല്സി പരീക്ഷഫലം ഇന്ന്. വിദ്യാഭ്യാസമന്ത്രി സി രവീന്ദ്രനാഥാണ് ഇന്ന് ഉച്ചയ്ക്ക് രണ്ടുമണിക്ക് ഫലപ്രഖ്യാപനം നടത്തുന്നത്. ടിഎച്ച്എസ്എല്സി, എഎച്ച്എസ്എല്സി, ഹിയറിങ് ഇംപയേഡ് എസ്എസ്എല്സി ഫലങ്ങളും ഇന്ന് പ്രഖ്യാപിക്കും.
വിദ്യാര്ത്ഥികള്ക്ക് വെബ് സൈറ്റ്, മൊബൈല് ആപ്പ് എന്നിവ വഴി ഫലം അറിയാം. പരീക്ഷ ഫലം അറിയാന് www.result.kite.kerala.gov.in എന്ന പോര്ട്ടല് വഴിയും ‘സഫലം 2020 ‘ എന്ന മൊബൈല് ആപ് വഴിയും കേരളാ ഇന്ഫ്രാസ്ട്രക്ചര് ആന്ഡ് ടെക്നോളജി ഫോര് എഡ്യൂക്കേഷന് (കൈറ്റ്) സംവിധാനം ഒരുക്കിയതായി അധികൃതര് അറിയിച്ചു.
കൂടാതെ ഇന്ഫര്മേഷന് പബ്ലിക് റിലേഷന്സ് വകുപ്പിന്റെ ഔദ്യോഗിക മൊബൈല് ആപ്പായ പിആര്ഡി ലൈവിലും ഫലം ലഭിക്കും. ഗൂഗിള് പ്ലേ സ്റ്റോറിലും ആപ്പ് സ്റ്റോറിലും നിന്ന് പിആര്ഡി ലൈവ് ഡൗണ്ലോഡ് ചെയ്യാം. ചൊവ്വാഴ്ച ഉച്ചയ്ക്ക് ഔദ്യോഗികമായി ഫലപ്രഖ്യാപനം നടന്നാലുടന് ഫലം പിആര്ഡി ലൈവില് ലഭ്യമാകും.
ക്ലൗഡ് സംവിധാനത്തിലൂടെ പോസ്റ്റ് ചെയ്തിരിക്കുന്ന ആപ്പില് തിരക്കുകൂടുന്നതിന് അനുസരിച്ച് ബാന്ഡ് വിഡ്ത്ത് വികസിക്കുന്ന ഓട്ടോ സ്കെയിലിംഗ് സംവിധാനമാണ് ഉപയോഗിച്ചിരിക്കുന്നത്.സഫലം 2020 ആപ്പും (‘Saphalam 2020’) പ്ലേ സ്റ്റോറില് ലഭ്യമാണ്. മൊബൈല് ആപ് നേരത്തെതന്നെ ഡൗണ്ലോഡ് ചെയ്തു വയ്ക്കുന്നത് അവസാന നിമിഷ ഡാറ്റാ ട്രാഫിക് ഒഴിവാക്കി എളുപ്പമാക്കുമെന്ന് കെറ്റ് അധികൃതര് അറിയിച്ചു.
Discussion about this post