തിരുവനന്തപുരം: കേരളാതീരത്തും ലക്ഷ്വദ്വീപ് തീരങ്ങളിലും മണിക്കൂറില് 45 മുതല് 55 കിമീ വേഗതയില് വടക്ക് പടിഞ്ഞാറന് ദിശയില് നിന്ന് ശക്തമായ കാറ്റ് വീശാന് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം. കന്യാകുമാരി പ്രദേശം, ഗള്ഫ് ഓഫ് മാന്നാര് എന്നിവിടങ്ങളില് മണിക്കൂറില് 65 മുതല് 75 കിമീ വേഗതയിലുള്ള ശക്തമായ കാറ്റിന് സാധ്യതയുണ്ടെന്നാണ് അധികൃതര് മുന്നറിയിപ്പ് നല്കിയത്.
അതുകൊണ്ട് തന്നെ മത്സ്യത്തൊഴിലാളികള് കടലില് പോകരുതെന്നാണ് അധികൃതര് അറിയിച്ചത്. ഉംപുന് ചുഴലിക്കാറ്റിന്റെ സ്വാധീനം ഉള്ളതിനാല് ജാഗ്രതാ നിര്ദേശം കര്ശനമായി പാലിക്കണമെന്നും കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കി.
Discussion about this post