തിരുവനന്തപുരം: സംസ്ഥാനത്ത് കൂടുതല് ആളുകളില് കൊവിഡ് -19 വൈറസ് ബാധ സ്ഥിരീകരിച്ച പശ്ചാത്തലത്തില് ആറ്റുകാല് പൊങ്കാലക്ക് ആളുകള് എത്തുന്നതില് ആശങ്ക അറിയിച്ച് ഇന്ത്യന് മെഡിക്കല് അസോസിയേഷന്. ഒരുപാട് ആളുകള് ഒത്തുകൂടുന്ന ചടങ്ങായതിനാല് നിലവിലെ സാഹചര്യത്തില് ഇത് വലിയ ആശങ്ക ഉണ്ടാക്കുന്നുണ്ട്. ഗൗരവമുള്ള വിഷയമായത് കൊണ്ട് തന്നെ സര്ക്കാരിനെ അറിയിച്ചിട്ടുണ്ടെന്നും ഐഎംഎ അറിയിച്ചു.
അതെസമയം കൂടുതല് പേരില് കൊറോണ റിപ്പോര്ട്ട് ചെയ്ത പശ്ചാത്തലത്തില് ആരോഗ്യവകുപ്പ് കര്ശന പരിശോധന നടത്താന് തീരുമാനിച്ചിട്ടുണ്ട്. രോഗ ലക്ഷണങ്ങള് ഉള്ളവര് പൊങ്കാലക്ക് എത്തരുതെന്ന് ആരോഗ്യമന്ത്രി അഭ്യര്ത്ഥിച്ചു. പൊങ്കാലയില് പങ്കെടുക്കുന്ന വിദേശികളെ കൊറോണ പരിശോധനയ്ക്ക് വിധേയമാക്കാനാണ് ആരോഗ്യവകുപ്പ് ആലോചിക്കുന്നത്. കൂടാതെ ചുമയും പനിയും ഉള്ളവര് പൊങ്കാലക്ക് വരരുതെന്ന് ആരോഗ്യ വകുപ്പ് നിര്ദ്ദേശിച്ചിട്ടുണ്ട്.
വിദേശരാജ്യങ്ങളില് നിന്ന് എത്തി ഹോട്ടലില് താമസിക്കുന്നവര്ക്ക് അവിടെ തന്നെ പൊങ്കാലയിടാനുള്ള സൗകര്യം ഒരുക്കുന്നത് അടക്കമുള്ള ക്രമീകരണങ്ങള് ജില്ലാ ഭരണകൂടവും സജ്ജമാക്കിയിട്ടുണ്ട്. പൊങ്കാലയിടാന് എത്തുന്നവരുടെ വീഡിയോ പകര്ത്താനും തീരുമാനം ഉണ്ട്
Discussion about this post