തിരുവനന്തപുരം: ബൈക്കുകള് തമ്മില് കൂട്ടിയിടിച്ച് മത്സ്യതൊഴിലാളിക്ക് ദാരുണാന്ത്യം. അമിത വേഗതയില് എത്തിയ ബൈക്ക് മത്സ്യതൊഴിലാളി ഓടിച്ചിരുന്ന ബൈക്കിനെ ഇടിച്ച് തെറിപ്പിക്കുകയായിരുന്നു. വലിയവേളി സ്വദേശിയായ റീജന് ഔസേപ്പ് ആണ് മരിച്ചത്. ഇന്നലെ പുലര്ച്ചെ 2.10ന് കണ്ണന്തുറ കൊച്ചുപള്ളിക്ക് സമീപമാണ് അപകടം നടന്നത്. സംഭവം സിസിടിവി ക്യാമറയില് പതിഞ്ഞിട്ടുണ്ട്.
വേളിയിലെ പള്ളിയില് നിന്ന് വീട്ടിലേക്ക് വരികയായിരുന്നു റീജന്. ഈ സമയം ഇടറോഡില് നിന്ന് അമിതവേഗത്തില് എത്തിയ ബൈക്ക് റീജന് ഓടിച്ചിരുന്ന ബൈക്കിനെ ഇടിച്ച് തെറിപ്പിക്കുകയായിരുന്നു. ഗുരുതരമായി പരിക്കേറ്റ് റോഡില് കിടന്ന റീജനെ മറ്റ് യാത്രക്കാന് സമീപത്തെ നഴ്സിംഗ് ഹോമിലും പിന്നീട് സ്വകാര്യ ആശുപത്രിയിലും എത്തിച്ചെങ്കിലും ജീവന് രക്ഷിക്കാനായില്ല.
അപകടത്തിന് ഇടയാക്കിയ ബൈക്ക് കണ്ടെത്താനുള്ള ശ്രമം നടത്തിവരികയാണെന്ന് പോലീസ് പറയുന്നു. ക്യാമറാ ദൃശ്യങ്ങള് വ്യക്തമാകാത്തതിനാല് ബൈക്ക് നമ്പര് ലഭ്യമായിട്ടില്ല. റീതു ആണ് റീജന്റെ ഭാര്യ. റിയ ആണ് മകള്.
Discussion about this post