പത്തനംതിട്ട: സന്നിധാനത്ത് 52കാരിയെ ആക്രമിച്ച കേസില് ഗൂഢാലോചന നടത്തിയെന്ന പേരില് വീണ്ടും റിമാന്റിലായ ബിജെപി സംസ്ഥാന ജനറല് സെക്രട്ടറി കെ. സുരേന്ദ്രന്റെ ജാമ്യാപേക്ഷ റാന്നി ഫസ്റ്റ്ക്ലാസ് മജിസ്ട്രേറ്റ് കോടതി ഇന്ന് പരിഗണിക്കും.
ഭാര്യയെയും മകനെയും ഫോണ് ചെയ്യാന് അനുമതി നല്കണം, പൂജപ്പുര സെന്ട്രല് ജയിലിലേക്ക് മാറ്റണം തുടങ്ങിയ ആവശ്യങ്ങളും ജാമ്യാപേക്ഷക്കൊപ്പം സുരേന്ദ്രന് സമര്പ്പിച്ചിട്ടുണ്ട്. കേസില് സുരേന്ദ്രനെ ചോദ്യം ചെയ്യാന് വിട്ടുകിട്ടണമെന്നാവശ്യപ്പെട്ട് പോലീസ് ഇന്ന് കോടതിയില് അപേക്ഷ നല്കും.
ഇന്നലെയാണ് സുരേന്ദ്രനെ 14 ദിവസത്തേക്ക് വീണ്ടും റിമാന്ഡ് ചെയ്തത്. കേസില് ജാമ്യം ലഭിച്ചാലും കണ്ണൂര് ഫസ്റ്റ് ക്ലാസ് മജിസ്ട്രേറ്റ് കോടതിയുടെ വാറന്റ് ഉള്ളതിനാല് സുരേന്ദ്രന് ജയില് മോചിതനാവില്ല.
Discussion about this post