ന്യൂഡല്ഹി: കൊച്ചി കമ്മീഷണര് ഓഫീസിന് മുന്നില് വച്ച് ബിന്ദു അമ്മിണിക്കെതിരെ മുളക് സ്പ്രേ ആക്രമണം നടത്തിയ സംഭവത്തില് ദേശീയ വനിതാ കമ്മീഷന് സ്വമേധയാ കേസെടുത്തു. മാധ്യമ വാര്ത്തകളുടെ അടിസ്ഥാനത്തിലാണ് വനിതാ കമ്മീഷന് കേസെടുത്തത്. സംഭവത്തില് എന്ത് നടപടി സ്വീകരിച്ചുവെന്ന് വിശദീകരിക്കാന് ഡിജിപിയോട് ദേശീയ വനിതാ കമ്മീഷന് ആവശ്യപ്പെട്ടിട്ടുണ്ട്.
കഴിഞ്ഞ ചൊവ്വാഴ്ചയാണ് ബിന്ദു അമ്മിണിക്കെതിരെ കൊച്ചി കമ്മീഷണര് ഓഫീസിന് മുന്നില് വച്ച്
മുളക് സ്പ്രേ ആക്രമണം നടന്നത്. ഹിന്ദു ഹെല്പ്പ് ലൈന് കോര്ഡിനേറ്റര് ശ്രീനാഥ് പത്മനാഭനാണ് അക്രമം നടത്തിയത്. ഇയാളെ റിമാന്ഡ് ചെയ്തിട്ടുണ്ട്.
സ്ത്രീത്വത്തെ അപമാനിക്കല്, ആയുധം ഉപയോഗിച്ച് സംഘം ചേര്ന്ന് ആക്രമിക്കല് എന്നീ വകുപ്പുകളാണ് ശ്രീനാഥിനെതിരെ ചുമത്തിയിരിക്കുന്നത്.
Discussion about this post