ലഖ്നൗ: താന് ഉത്തര്പ്രദേശ് മുഖ്യമന്ത്രിയായിരുന്നപ്പോള് അവിടെ യാതൊരുവിധ അക്രമങ്ങളുമുണ്ടായിരുന്നില്ലെന്ന് ബഹുജന് സമാജ് വാദി പാര്ട്ടി നേതാവ് മായാവതി. അതേസമയം നരേന്ദ്ര മോഡിയുടെ ഭരണകാലഘട്ടം മുഴുവന് അക്രമം നിറഞ്ഞതായിരുന്നെന്ന് മായാവതി വിമര്ശിച്ചു.
പ്രധാനമന്ത്രി നരേന്ദ്ര മോഡി ഒരുപാട് കാലം ഗുജറാത്തിന്റെ മുഖ്യമന്ത്രി ആയിരുന്നു. ആ സമയത്ത് താന് ഉത്തര്പ്രദേശിന്റെ മുഖ്യമന്ത്രി ആയിരുന്നു. അതേസമയം രാജ്യത്തെ സമൂഹത്തിനും ബിജെപിക്കും അദ്ദേഹത്തിന്റെ മേലും കറുത്ത പാടുകള് വീഴ്ത്തിയ സംഭവങ്ങള് ആയിരുന്നു ആ സമയത്ത് നടന്നതെന്ന് മായാവതി പറഞ്ഞു.
അതേസമയം ഉത്തര്പ്രദേശില് ആ സമയത്ത് അരാജകത്വമോ ലഹളകളോ ഉണ്ടായിരുന്നില്ലയെന്നും മായവതി വ്യക്തമാക്കി. മായാവതി നാല് തവണ ഉത്തര്പ്രദേശ് മുഖ്യമന്ത്രി ആയിരുന്നു.വാര്ത്ത ഏജന്സിയായ എഎന്ഐയോട് സംസാരിക്കുകയായിരുന്നു മായാവതി.
Discussion about this post