കാണ്പുര്: പോലീസ് ഉദ്യോഗസ്ഥനെ പരസ്യമായി ഭീഷണിപ്പെടുത്തി ബിജെപി നേതാവ് സുരേഷ് അവസ്തി. ഉത്തര്പ്രദേശിലെ കാണ്പുരില് വോട്ടെടുപ്പിനിടെയാണ് നേതാവ് സര്ക്കിള് ഓഫീസറെ പരസ്യമായി ഭീഷണിപ്പെടുത്തിയത്. സംഭവത്തിന്റെ ദൃശ്യങ്ങള് സമൂഹമാധ്യമങ്ങളിലും മറ്റും വൈറലാകുന്നുണ്ട്. വലിയ വിമര്ശനങ്ങളും ഉയരുന്നുണ്ട്.
‘ഞാന് തന്നെ നാളെക്കണ്ടോളാം, താനെന്റെ ഹിറ്റ് ലിസ്റ്റിലുണ്ട്’ എന്നായിരുന്നു സുരേഷ് അവസ്തിയുടെ ഭീഷണി. തന്റെ കണ്ണില് നോക്കരുതെന്നു പറഞ്ഞ അവസ്തിയോട് നിങ്ങള്ക്കെന്താണു വേണ്ടതെങ്കില് അതു ചെയ്യാമെന്നായിരുന്നു പോലീസ് ഉദ്യോഗസ്ഥന്റെ മറുപടി. സംഭവസ്ഥലത്ത് മേയര് പ്രമീളാ പാണ്ഡെയും ചില ബിജെപി നേതാക്കളുമുണ്ടായിരുന്നു.
അവര് പ്രശ്നം പരിഹരിക്കാന് ശ്രമിക്കുന്നുണ്ടായിരുന്നെങ്കിലും അയാളൊരു ദുഷ്ടനാണെന്നു പറഞ്ഞ് അവസ്തി അതിനു തയ്യാറായില്ല. അവസ്തിയുടെ പേരില് പോലീസ് കേസ് രജിസ്റ്റര് ചെയ്തു. ഉത്തര്പ്രദേശിലെ കാണ്പുര് അടക്കമുള്ള 13 ലോക്സഭാ മണ്ഡലങ്ങളിലേക്കായിരുന്നു തിങ്കളാഴ്ച വോട്ടെടുപ്പ്.
#WATCH BJP leader Suresh Awasthi threatens Circle Officer in Kanpur after an argument over a polling agent, says 'I will see you tomorrow, you are on my hit list'. Mayor Pramila Pandey was also present. A case has been registered against Awasthi pic.twitter.com/3wE5uawQ33
— ANI UP (@ANINewsUP) April 29, 2019
Discussion about this post