ന്യൂഡല്ഹി: ഇപ്പോള് സോഷ്യല്മീഡിയയില് നിറയുന്നത് രാഹുല് ഗാന്ധിയുടെ ദൃശ്യങ്ങളാണ്. ഫോട്ടോ എടുക്കുന്നതിനിടെ കാല് വഴുതി വീണ ഫോട്ടോഗ്രാഫറെ ഓടിയെത്തി എഴുന്നേല്പ്പിക്കുന്ന രാഹുലിന്റെ ദൃശ്യങ്ങളാണ് വൈറലാകുന്നത്. ഇപ്പോള് പ്രധാനമന്ത്രി നരേന്ദ്ര മോഡിയുടെ ഒരു വീഡിയോ കൂടി പ്രചരിക്കുന്നുണ്ട്. രാഹുലിന്റെ അവസരോചിതമായ ഇടപെടലിന് തികഞ്ഞ അഭിനന്ദനങ്ങളാണ് നാനാ ഭാഗങ്ങളില് നിന്നും ഉയരുന്നത്.
മോഡി വേദിയില് പ്രസംഗിക്കുന്നതിനിടെ മറ്റൊരാള് ഹൃദയാഘാതം വന്ന് വീണിട്ടും പ്രസംഗം തുടരുന്ന ദൃശ്യങ്ങളാണ് വൈറലാകുന്നത്. ഹന്സിബ എന്ന ട്വിറ്റര് അക്കൗണ്ടില് നിന്നാണ് വീഡിയോ ഷെയര് ചെയ്തത്. ” നിങ്ങള്ക്ക് സമീപനം നില്ക്കുന്ന ഒരാള് ഹൃദയാഘാതം വന്ന് താഴെ വീണാല് എന്തായിരിക്കും നിങ്ങളുടെ പ്രതികരണം. നമ്മള് ഉടന് തന്നെ അദ്ദേഹത്തിന്റെ സഹായത്തിനായി എത്തും. എന്നാല് മോഡി ജീയോ”- എന്ന് പറഞ്ഞായിരുന്നു ചിലര് മോദിയുടെ പ്രസംഗത്തിന്റെ വീഡിയോ ഷെയര് ചെയ്തത്.
ഇതാണ് മോഡിയും രാഹുലും തമ്മിലുള്ള വ്യത്യാസമെന്ന് സോഷ്യല്മീഡിയ ഒന്നടങ്കം ചൂണ്ടിക്കാണിക്കുന്നു. ലോക്സഭാ തെരഞ്ഞെടുപ്പിന്റെ ഭാഗമായി ഭുവനേശ്വര് ടൗണ്ഹാളില് പ്രസംഗിക്കാന് എത്തിയ രാഹുലിന്റെ ചിത്രം പകര്ത്തുന്നതിനിടെയായിരുന്നു ഫോട്ടോഗ്രാഫര് കാല്തെന്നി താഴെ വീണത്. എന്തുചെയ്യണമെന്നറിയാതെ ചുറ്റുമുള്ളവര് പരുങ്ങിനിന്നപ്പോഴും സെക്കന്റുകള്ക്കുള്ളില് രാഹുല് സഹായത്തിനായി എത്തുകയും അദ്ദേഹത്തെ പിടിച്ചെഴുന്നേല്പ്പിക്കുകയുമായിരുന്നു.
#WATCH Congress President Rahul Gandhi checks on a photographer who tripped and fell at Bhubaneswar Airport, Odisha. pic.twitter.com/EusYlzlRDn
— ANI (@ANI) January 25, 2019
Discussion about this post