ചെന്നൈ: തമിഴ്നാട് ചെങ്കല്പെട്ട് വാണ്ടല്ലൂര് മൃഗശാലയിലെ സിംഹത്തെ കാണാനില്ലെന്ന് പരാതി. അഞ്ച് വയസ്സുള്ള ആണ് സിംഹം ഷേര്യാറിനെയാണ് കാണാതായത്. 50 ഏക്കറിലെ സഫാരി മേഖലയില് തുറന്നുവിട്ടതിന് പിന്നാലെയാണ് സിംഹത്തെ കാണാതായതെന്ന് അധികൃതര് പറയുന്നു.
സിംഹത്തെ കണ്ടെത്താനായി ചീഫ് വൈല്ഡ് ലൈഫ് വാര്ഡന്റെ നേതൃത്വത്തില് പ്രത്യേക ദൗത്യത്തെ നിയോഗിച്ചു. അഞ്ച് സംഘങ്ങളായി പ്രത്യേക പരിശോധന തുടങ്ങിയിട്ടുണ്ട്. സഫാരി സോണില് സന്ദര്ശകര്ക്ക് നിരോധനമേര്പ്പെടുത്തി.
തെര്മല് ഇമേജിങ് ഡ്രോണും ക്യാമറകളും സ്ഥാപിച്ചാണ് പരിശോധന നടത്തുന്നത്. മയിലുകളും മുയലുകളും ആണ് സഫാരി സോണില് കൂടുതലായി ഉള്ളത്. ബംഗലൂരുവില് നിന്ന് 2 വര്ഷം മുന്പാണ് സിംഹത്തെ ഇവിടെ എത്തിച്ചത്. നടന് ശിവകാര്ത്തികേയന് ദത്തെടുത്ത സിംഹം ആണിത്.
Discussion about this post