ബെംഗളൂരു: റീല്‍ ചിത്രീകരിക്കാന്‍ റോഡില്‍ കസേരയിട്ടിരുന്ന യുവാവിനെ പോലീസ് അറസ്റ്റ് ചെയ്തു. ഇന്‍സ്റ്റഗ്രാമില്‍ റീല്‍ ചെയ്യാനായി ബെംഗളൂരുവിലെ ഒരു തിരക്കുള്ള റേഡിലിരുന്ന് ചായ കുടിക്കുന്നതാണ് ദൃശ്യങ്ങളില്‍ ഉള്ളത്. ബെംഗളൂരുവിലെ മഗഡി റോഡില്‍ ഏപ്രില്‍ 12നായിരുന്നു സംഭവം.
വളരെ ശാന്തമായി റോഡിലിരുന്ന് കാലിന്മേല്‍ കാല് കയറ്റി വച്ച് ചായകുടിക്കുന്ന യുവാവിന് അടുത്തൂകൂടെ ഓട്ടോറിക്ഷയും ബൈക്കുമെല്ലാം കടന്നുപോകുന്നത് കാണാം. ഇന്‍സ്റ്റഗ്രാമില്‍ വീഡിയോ അപ്പ് ചെയ്തതിന് പിന്നാലെ വലിയ ശ്രദ്ധ നേടി.
സംഭവം വൈറലാവുകയും വിമര്‍ശനങ്ങള്‍ ഉയരുകയും ചെയ്തതിന് പിന്നാലെ ബെംഗളൂരു സിറ്റി പോലീസ് അന്വേഷണം തുടങ്ങി. ഒടുവില്‍ പൊതുജന സുരക്ഷയെ ബാധിക്കുന്ന തരത്തില്‍ പെരുമാറിയതിന് ഇയാളെ അറസ്റ്റ് ചെയ്തതായി അറിയിച്ചു.
Discussion about this post