ന്യൂഡല്ഹി: കോണ്ഗ്രസ് എംപി ശശി തരൂരും, തൃണമൂല് എംപി മഹുവ മൊയ്ത്രയ്ക്കൊപ്പമുള്ള ചിത്രങ്ങള് അടുത്തിടെ സോഷ്യല് മീഡിയയില് പ്രചരിച്ചിരുന്നു. ഇരുവരും ഒരുമിച്ച് അത്താഴം കഴിക്കുന്നതും ചിത്രങ്ങളില് കാണാം. ചിത്രങ്ങള് വിവാദമാകുകയും ചെയ്തിരുന്നു. ഇപ്പോഴിതാ അതില് പ്രതികരിച്ചിരിക്കുകയാണ് ശശി തരൂര്.
എന്നാല് ഈ ചിത്രങ്ങള് ക്രോപ്പ് ചെയ്ത് പ്രചരിപ്പിക്കുകയാണെന്നാണ് ശശി തരൂരിന്റെ പ്രതികരണം. ഇത് തരം താഴ്ന്ന രാഷ്ട്രീയത്തിന്റെ ഭാഗമാണ്. ചിത്രങ്ങള് ക്രോപ്പ് ചെയ്ത് അവതരിപ്പിക്കുകയാണ്. മഹുവയുടെ ജന്മദിന ചിത്രങ്ങളാണിത്.
എന്നെ കൂടാതെ മറ്റ് 15 പേരും ചിത്രത്തില് ഉണ്ടായിരുന്നു. അവരെ അതില് നിന്ന് ഒഴിവാക്കിയിട്ടുണ്ട്. ഒരു സ്വകാര്യ കൂടിക്കാഴ്ച എന്ന നിലയിലാണ് ഈ ചിത്രങ്ങള് പ്രചരിക്കുന്നതെന്നും അദ്ദേഹം പറഞ്ഞു. ആ പാര്ട്ടിയില് എന്റെ സഹോദരിയും ഉണ്ടായിരുന്നു. മഹുവ എന്നേക്കാള് 20 വയസ്സിന് ഇളയതാണ്. അവള് എന്റെ മകളെ പോലെയാണ്.- ശശി തരൂര് പറഞ്ഞു. ഇത് തന്റെ സ്വകാര്യ ചിത്രങ്ങളാണെന്നും , ഫോട്ടോ ക്രോപ്പ് ചെയ്ത് ഷെയര് ചെയ്തതാണെന്നും ആരോപ്പിച്ച് മഹുവയും രംഗത്തെത്തിയിട്ടുണ്ട്.
Discussion about this post