ഭോപ്പാല്: യുവതി നല്കിയ പരാതിയെ തുടര്ന്നുള്ള പീഡനക്കേസ് പിന്വലിക്കണമെന്നാവശ്യപ്പെട്ട് ജനക്കൂട്ടം സഹോദരനെ അടിച്ചുകൊന്നു. മധ്യപ്രദേശിലെ സാഗര് ജില്ലയിലാണ് സംഭവം. നൂറോളം വരുന്ന ജനക്കൂട്ടമാണ് കുടുംബത്തെ ആക്രമിച്ചത്.
യുവതി 2019ല് ആണ് പീഡനക്കേസ് ഫയല് ചെയ്യുന്നത്. ഈ കേസ് പിന്വലിക്കണമെന്നാവശ്യപ്പെട്ടായിരുന്നു ആക്രമണം. മകനെ രക്ഷിക്കാന് ശ്രമിക്കുന്നതിനിടെ ജനക്കൂട്ടം അമ്മയെ വിവസ്ത്രയാക്കുകയും ആക്രമിക്കുകയും ചെയ്തു.
അതേസമയം, ആക്രമിച്ചവരില് 9 പേര്ക്കെതിരെ കൊലക്കുറ്റവും 3 പേര്ക്കെതിരെ പട്ടികജാതി-വര്ഗ നിയമപ്രകാരവുമാണ് കേസെടുത്തിരിക്കുന്നത്. 8 പ്രതികളെ അറസ്റ്റ് ചെയ്തതായി അഡി.സൂപ്രണ്ട് ഓഫ് പൊലിസ് സഞ്ജീവ് ഉയ്കെ പറഞ്ഞു.
‘ മകനെ അതിക്രൂരമായാണ് അവര് അടിച്ചത്. അവന് ജീവിക്കില്ലെന്ന് തോന്നി, എന്നെ ആക്രമിച്ച് വിവസ്ത്രയാക്കി, ഞാനൊരു ടവ്വലെടുത്ത് ശരീരം മറച്ചു, അപ്പോഴേക്കും പൊലിസെത്തി’, അമ്മ പറയുന്നു.വീട്ടുപകരണങ്ങളെല്ലാം തല്ലിത്തകര്ത്തതായും മേല്ക്കൂരയെല്ലാം തകര്ന്നു കിടക്കുകയാണെന്നും അമ്മ പറയുന്നു.
നിലവില് സാഗറില് വന്പൊലിസ് സന്നാഹം തമ്പടിച്ചിരിക്കുകയാണ്. സംഭവസ്ഥലത്ത് കലക്ടറോ മറ്റു സര്ക്കാര് പ്രതിനിധികളോ എത്തിയശേഷം മാത്രമേ സംസ്കാരച്ചടങ്ങുകള് നടത്തൂവെന്ന് കുടുംബം പറയുന്നു.
Discussion about this post