മുംബൈ: സംഗീതപരിപാടിക്കിടെ പ്രശസ്ത ഗായകന് സോനു നിഗത്തിനു നേരെ എംഎല്എയുടെ മകന്റെ ആക്രമണം. ഗായകനെ വേദിയില് നിന്നും വലിച്ചിറക്കി ക്രൂരമായി മര്ദിച്ചു. പ്രാദേശിക എംഎല്എ പ്രകാശ് ഫതേര്പെക്കറിന്റെ മകനാണ് അക്രമത്തിന് പിന്നില്. സംഭവത്തിന്റെ വീഡിയോ ഇപ്പോള് സമൂഹമാധ്യമങ്ങളില് വ്യാപകമായി പ്രചരിക്കുകയാണ്. ഇതോടെ ആരാധകര് കടുത്ത പ്രതിഷേധമറിയിച്ചു രംഗത്തെത്തി.
സംഗീതപരിപാടി അവസാനിച്ചപ്പോള് സെല്ഫിയെടുക്കണമെന്ന് ആവശ്യപ്പെട്ട് എംഎല്എ പുത്രന് വേദിയിലെത്തി. ഇത് സോനുവിന്റെ സുരക്ഷാ ഉദ്യോഗസ്ഥര് വിലക്കി. തുടര്ന്ന് വാക്കുതര്ക്കമുണ്ടാവുകയും അക്രമത്തില് കലാശിക്കുകയായിരുന്നു. സോനുവിന്റെ ആരോഗ്യനില തൃപ്തികരമാണെന്ന് മെഡിക്കല് സംഘം അറിയിച്ചു. എന്നാല് സോനുവിന്റെ സുരക്ഷാ ഉദ്യോഗസ്ഥര് ഉള്പ്പെടെ സംഘത്തിലുണ്ടായിരുന്ന ഏതാനും പേര് പരിക്കേറ്റ് ചികിത്സയിലാണ്.
ചെമ്പൂര് ഫെസ്റ്റിവലിനോടനുബന്ധിച്ചാണ് സംഗീതപരിപാടി സംഘടിപ്പിച്ചത്. നാലു ദിവസമായി തുടരുന്ന പരിപാടിയുടെ അവസാന ദിനത്തില് പങ്കെടുക്കാനെത്തിയപ്പോഴാണ് സോനുവിനു നേരെ ആക്രമണമുണ്ടായത്. സംഭവത്തില് ഗായകന് ഇതുവരെ പ്രതികരിച്ചിട്ടില്ല. പോലീസ് കേസെടുത്ത് അന്വേഷണം ആരംഭിച്ചു.
Singer Sonu Nigam who raised his voice about Azan Loudspeakers attacked by Janab Uddhav Thackeray MLA Prakash Phaterpekar and his goons in music event at Chembur. Sonu has been taken to the hospital nearby. pic.twitter.com/32eIPQtdyM
— Sameet Thakkar (@thakkar_sameet) February 20, 2023
Discussion about this post