മുംബൈ: വീണ്ടും കര്‍ഷകര്‍ക്ക് പിന്തുണ പ്രഖ്യാപിച്ച് നടി മിയ ഖലീഫ. ട്വിറ്ററിലൂടെ ഇന്ത്യന്‍ ഭക്ഷണം കഴിക്കുന്ന വീഡിയോ താരം പങ്കുവെച്ചാണ് കര്‍ഷകര്‍ക്കൊപ്പമെന്ന് വീണ്ടും വ്യക്തമാക്കിയത്. വീഡിയോ ഇതിനോടകം സോഷ്യല്‍മീഡിയയില്‍ തരംഗം സൃഷ്ടിച്ച് കഴിഞ്ഞു. പിന്നാലെ കര്‍ഷക സമരം രാജ്യാന്തര തലത്തിലാണ് ചര്‍ച്ചയായത്.
ആദ്യ പോസ്റ്റിനെ വിമര്‍ശിച്ച് ഒരു വിഭാഗം എത്തിയപ്പോള്‍ തന്നെ, അവരെ പരിഹസിച്ച് താന്‍ കര്‍ഷകര്‍ക്കൊപ്പമെന്ന് മിയ വ്യക്തമാക്കിയിരുന്നു. പിന്നാലെയാണ് ഇന്ത്യന്‍ ഭക്ഷണം രുചിച്ചുകൊണ്ടുള്ള വീഡിയോ ഒരിക്കല്‍ കൂടി പങ്കുവെച്ചത്.
എഴുത്തുകാരി രൂപി കൗര്‍ ആണ് തനിക്ക് ഇന്ത്യന്‍ ഭക്ഷണങ്ങള്‍ എത്തിച്ചു നല്‍കിയതെന്ന് മിയ പറയുന്നുണ്ട്. ആസ്വദിച്ച് ഭക്ഷണം കഴിക്കുന്ന മിയ #FarmersProtests എന്ന ഹാഷ്ടാഗും പങ്കുവച്ചു. നിരവധി പേര്‍ വിമര്‍ശിക്കാന്‍ എത്തുന്നുണ്ടെങ്കിലും തന്റെ പിന്തുണ കര്‍ഷകര്‍ക്കൊപ്പം തന്നെയാണെന്ന് ആവര്‍ത്തിക്കുകയാണ് നടി മിയ ഖലീഫ. ലോകമെങ്ങും ആരാധകരുള്ള താരത്തിന്റെ നിലപാടിനെ പിന്തുണയ്ക്കുന്നവരും കുറവല്ല.
Thank you @rupikaur_ for this beautifully harvested feast, and thank you @theJagmeetSingh for the Gulab!!! I’m always worried I’ll get too full for dessert, so I eat it during a meal. You know what they say, one Gulab a day keeps the fascism away! #FarmersProtests pic.twitter.com/22DUz2IPFQ
— Mia K. (@miakhalifa) February 7, 2021
