ന്യൂഡല്ഹി: രാജ്യത്ത് ഡ്രൈ റണ് രണ്ടാംഘട്ടം വിജയകരമായി പൂര്ത്തിയായ സാഹചര്യത്തില് കോവിഡ് വാക്സിന്റെ ആദ്യ ഡോസ് പ്രധാനമന്ത്രി സ്വീകരിക്കണമെന്ന് ആര്ജെഡി നേതാവ് തേജ് പ്രദാപ് യാദവ്.
ദിവസങ്ങള്ക്കുള്ളില് വാക്സിന് വിതരണം ആരംഭിക്കാനിരിക്കെയാണ് തേജ് യാദവിന്റെ പ്രസ്താവന.
”പ്രധാനമന്ത്രി നരേന്ദ്ര മോഡി ആദ്യം വാക്സിന് സ്വീകരിക്കണം, അതിന് ശേഷം ഞങ്ങള് സ്വീകരിക്കാം” തേജ് യാദവ് പറഞ്ഞു.
കഴിഞ്ഞ ആഴ്ചയാണ് ഡ്രഗ് കണ്ട്രോളര് ജനറല് ഓഫ് ഇന്ത്യ കോവിഷീല്ഡിനും, കോവാക്സിനും അടിയന്തിര ഉപയോഗത്തിന് അനുമതി നല്കിയത്.
പ്രധാനമന്ത്രി നരേന്ദ്രമോഡിയും, മുതിര്ന്ന ബിജെപി നേതാക്കളും ആദ്യം തന്നെ വാക്സിന് എടുക്കണം. ഇത് ജനത്തിന് വാക്സിനിലുള്ള വിശ്വാസം വര്ദ്ധിപ്പിക്കുമെന്ന അഭിപ്രായവുമായി ബിഹാറില് നിന്നുള്ള കോണ്ഗ്രസ് നേതാവ് അജിത്ത് ശര്മ്മ രംഗത്തെത്തിയിരുന്നു.
Discussion about this post