ചെന്നൈ: തമിഴ് സീരിയല്‍ താരം വിജെ ചിത്രയെ ജീവനൊടുക്കിയ നിലയില്‍ കണ്ടെത്തി. 28 വയസായിരുന്നു. വിഷാദരോഗമുണ്ടായിരുന്ന ചിത്ര മാനസികപ്രശ്നങ്ങള്‍ മൂലമാണ് ആത്മഹത്യ ചെയ്തതെന്നാണ് സൂചന. പുലര്‍ച്ചെ 2.30നായിരുന്നു സംഭവം.
സീരിയല്‍ ഷൂട്ട് കഴിഞ്ഞ് ഹോട്ടല്‍ മുറിയിലെത്തിയശേഷമാണ് ചിത്ര ജീവനൊടുക്കിയത്. സഹതാരം ഹേമന്ദിനൊപ്പമാണ് ചിത്ര ഹോട്ടല്‍ മുറിയില്‍ കഴിഞ്ഞിരുന്നത്. ഇയാള്‍ റൂമിന് പുറത്തേക്ക്പോയ സമയത്ത് തൂങ്ങി മരിക്കുകയായിരുന്നു. മരണ കാരണം വ്യക്തമല്ല.
സംഭവവുമായി ബന്ധപ്പെട്ട് നസ്രത്ത്പേട്ടൈ പൊലീസ് അസ്വാഭാവികമരണത്തിന് കേസെടുത്തിട്ടുണ്ട്. വിജയ് ടിവിയിലെ ഏറെ ജനശ്രദ്ധ നേടിയ പരമ്പരയായ പാണ്ഡ്യന്‍സ് സ്റ്റോര്‍സ് എന്ന സീരിയലിലെ മുല്ല എന്ന കഥാപാത്രത്തെ അവതരിപ്പിച്ചുകൊണ്ടാണ് ചിത്ര പ്രശസ്തയായത്.
സാമൂഹ്യമാധ്യമങ്ങളില്‍ വളരെ സജീവമായിരുന്ന ചിത്ര തമിഴകത്ത് ഏറ്റവുമധികം ആരാധകരുള്ള സീരിയല്‍ താരങ്ങളിലൊരാളാണ്. സീരീയല്‍ അഭിനയത്തിനുപുറമേ നര്‍ത്തകിയെന്ന നിലയിലും ചിത്ര പ്രശസ്തയാണ്.
