ലഖ്നൗ: ഹഥ്രാസ് കേസില് 20കാരി നേരിട്ട ക്രൂരപീഡനത്തില് രാജ്യമൊട്ടാകെ വിമര്ശനം ഉയരുന്ന സാഹചര്യത്തില് സ്ത്രീകള്ക്കെതിരായ കുറ്റകൃത്യങ്ങളോട് ഒട്ടും ക്ഷമിക്കില്ലൈന്ന വാദവുമായി മുഖ്യമന്ത്രി യോഗി ആദിത്യനാഥ്. സര്ക്കാര് തുടര്ച്ചയായി നടപടിയെടുക്കുന്നതിനാല് സ്ത്രീകള്ക്കും പെണ്കുട്ടികള്ക്കും നേരെയുളള കുറ്റകൃത്യങ്ങളില് കുറവുവന്നിട്ടുണ്ടെന്നുമാണ് മുഖ്യമന്ത്രിയുടെ പരാമര്ശം.
”സ്ത്രീകള്ക്ക് നേരെയുണ്ടാകുന്ന കുറ്റകൃത്യങ്ങളോട് ക്ഷമിക്കില്ലെന്നതാണ് യുപി സര്ക്കാരിന്റെ നയം. സര്ക്കാര് തുടര്ച്ചയായി നടപടിയെടുക്കുന്നതിനാല് സ്ത്രീകള്ക്കും പെണ്കുട്ടികള്ക്കും നേരെയുളള കുറ്റകൃത്യങ്ങളില് കുറവുവന്നിട്ടുണ്ട്.” – മുഖ്യമന്ത്രി പറയുന്നു.
നാഷണല് ക്രൈം റെക്കോര്ഡ്സ് ബ്യൂറോയുടെ കണക്കുപ്രകാരം സ്ത്രീകള്ക്ക് നേരെയുള്ള ആക്രമണങ്ങളില് മുന്പിലാണ് ഉത്തര്പ്രദേശ്. സ്ത്രീകള് ആക്രമിക്കപ്പെട്ട 59853 കേസുകളാണ് 2019 ല് ഉത്തര്പ്രദേശില് രജിസ്റ്റര് ചെയ്തത്. 2018 ല് ഇത് 59445 ആയിരുന്നു. ഇതിനെയെല്ലാം പിന്തള്ളി കൊണ്ടാണ് യോഗി ആദിത്യനാഥിന്റെ പരാമര്ശംയ
Discussion about this post