മുംബൈ: ബാബറി മസ്ജിദ് തകര്ത്ത കേസില് മുഴുവന് പ്രതികളെയും വെറുതെ വിട്ട സംഭവത്തില് പ്രതികരണവുമായി ബോളിവുഡ് നടി സ്വര ഭാസ്കര്. ട്വിറ്ററിലൂടെയാണ് താരത്തിന്റെ പ്രതികരണം. ഒറ്റ വരിയിലാണ് സ്വര ഭാസ്കര് നിലപാട് അറിയിച്ചത്. ‘ബാബറി മസ്ജിദ് സ്വയം തകര്ന്നു വീഴുകയായിരുന്നു’ താരം കുറിച്ചു. കൂപ്പു കൈ സ്മൈലിയോടെയാണ് ട്വീറ്റ്.
കോടതി വിധിയില് രൂക്ഷ പ്രതികരണമാണ് രാജ്യത്തിന്റെ നാനാഭാഗങ്ങളില് നിന്നും ഉയരുന്നത്. അവിടെ പള്ളി ഉണ്ടായിട്ടേയില്ല.പുതിയ ഇന്ത്യയിലെ നീതിയെന്നാണ് സംഭവത്തോടെ പ്രശാന്ത് ഭൂഷണ് പ്രതികരിച്ചത്. ബാബറി മസ്ജിദ് തകര്ത്ത കേസില് ഫോട്ടോകള് തെളിവായി അംഗീകരിക്കാനാവില്ലെന്ന് പറഞ്ഞാണ് കേസിലെ പ്രതികളെ വെറുതെവിട്ടത്. കേസില് പ്രതികള്ക്കെതിരെ ചുമത്തിയ ഗൂഢാലോചനക്കുറ്റം സിബിഐക്ക് തെളിയിക്കാന് കഴിഞ്ഞില്ലെന്നും കോടതി കുറ്റപ്പെടുത്തുന്നു.
എല്കെ അദ്വാനി, മുരളീ മനോഹര് ജോഷി, ഉമാ ഭാരതി തുടങ്ങിയ മുതിര്ന്ന ബിജെപി നേതാക്കള് ഉള്പ്പെടെ കേസില് പ്രതികളായിരുന്നു. 351 സാക്ഷികളെ വിസ്തരിച്ച കോടതി 600 രേഖകള് പരിശോധിച്ചിരുന്നു. ബാബറി മസ്ജിദ് തകര്ത്തതില് ഒരു ഗൂഢാലോചനയും നടന്നില്ലെന്നും വളരെ ആകസ്മികമായാണ് മസ്ജിദ് തകര്ക്കപ്പെട്ടതെന്നും നിരീക്ഷിച്ച കോടതി കര്സേവകര് ബാബറി മസ്ജിദ് തകര്ക്കുന്ന സമയത്ത് നേതാക്കള് തടയാനാണ് ശ്രമിച്ചെതെന്നും പറഞ്ഞു. അദ്വാനിയും മുരളീ മനോഹര് ജോഷിയും പ്രകോപിതരായ ആള്ക്കൂട്ടത്തെ തടഞ്ഞെന്നും കോടതി അഭിപ്രായപ്പെട്ടു. ശേഷം കേസിലെ പ്രതികളില് ജീവിച്ചിരിക്കുന്ന 32 പേരേയും കുറ്റവിമുക്തരാക്കിക്കൊണ്ടായിരുന്നു കോടതി വിധി.
बाबरी मस्जिद ख़ुद ही गिर गया था। 🙏🏽🙏🏽🙏🏽
— Swara Bhasker (@ReallySwara) September 30, 2020
Discussion about this post