ന്യൂഡല്ഹി: പാചക വാതക സിലിണ്ടറിന്റെ വില വന് തോതില് കുറച്ചു. ഇത് മൂന്നാം തവണയാണ് വന്തോതില് വില കുറയ്ക്കുന്നത്. ഡല്ഹിയില് സിലിണ്ടറിന് 162.50 രൂപയാണ് കുറവുവരുത്തിയത്. ഇതിന് ആനുപാതികമായി രാജ്യത്തെല്ലായിടത്തും വിലയില് കുറവുവരുമെന്നാണ് ലഭിക്കുന്ന വിവരം.
14.2 കിലോഗ്രാം തൂക്കംവരുന്ന സബ്സിഡിയില്ലാത്ത സിലിണ്ടര് വില ഡല്ഹിയില് 744 രൂപയില്നിന്ന് 581.50 രൂപയായി കുറയും. മുംബൈയില് 579 രൂപയും കൊല്ക്കത്തയില് 584.50 രൂപയും ചെന്നൈയില് 569.50 രൂപയുമാകും പുതുക്കിയ വില. കേരളത്തിലും ഇതിന് ആനുപാതികമായി വിലയില് കുറവുണ്ടാകുമെന്നും റിപ്പോര്ട്ടുകളുണ്ട്.
എല്ലാമാസവും ആദ്യദിവസമാണ് പാചക വാതകത്തിന്റെ വില പരിഷ്കരിച്ചുവരുന്നത്. 2019 ഓഗസ്റ്റുമുതല് വിലവര്ധിച്ചുവരികയായിരുന്നു. എന്നാല് രണ്ടുമാസമായി വില താഴേയ്ക്കാണ് പോകുന്നത്. ആഗോള വിപണിയില് അസംസ്കൃത എണ്ണവില കുത്തനെ ഇടിഞ്ഞതാണ് പാചക വാതക വിലയിലും പ്രതിഫലിക്കാന് ഇടയായത്.
Discussion about this post