ബറേലി: ഡല്‍ഹി കലാപത്തില്‍ പോലീസ് ഉദ്യോഗസ്ഥര്‍ക്ക് നേരെ തോക്ക് ചൂണ്ടിയ മുഹമ്മദ് ഷാരൂഖ് പിടിയിലായി. ഉത്തര്‍പ്രദേശിലെ ഷാംലി ജില്ലയില്‍ നിന്നാണ് ഇയാളെ പിടികൂടിയത്. പോലീസ് ഉദ്യോഗസ്ഥനെ തോക്ക് ഉപയോഗിച്ച് ഭീഷണിപ്പെടുത്തുകയും എട്ട് റൗണ്ട് വെടിയുതിര്‍ക്കുകയും ചെയ്ത സംഭവത്തെ തുടര്‍ന്ന് ഇയാള്‍ ഒളിവിലായിരുന്നു.
ഫെബ്രുവരി 24 നോര്‍ത്ത് ഈസ്റ്റ് ഡല്‍ഹിയിലെ ജാഫറാബാദില്‍ വെച്ചാണ് മുഹമ്മദ് ഷാരൂഖ് പോലീസിനും പൗരത്വ നിയമ ഭേദഗതി അനുകൂലികള്‍ക്കും നേരെ നിറയൊഴിച്ചത്. കലാപത്തിനിടെ ഇയാള്‍ പോലിസിനെതിരെ തോക്കു ചൂണ്ടുന്നതും വെടിയുതിര്‍ക്കുന്നതിന്റെയും ദൃശ്യങ്ങള്‍ സോഷ്യല്‍ മീഡിയയില്‍ വൈറലായിരുന്നു. ദീപക് ദഹിയ എന്ന പോലീസുകാരന്‍ ഷാരൂഖിനെ നിരായുധനായി തടയുന്നതും ഈ വീഡിയോ ദൃശ്യങ്ങളിലുണ്ട്.
അതേസമയം ഡല്‍ഹി കലാപത്തില്‍ 46 പേരാണ് ഇതുവരെ കൊല്ലപ്പെട്ടത്. ഇരുന്നൂറിലധികെ പേര്‍ക്കാണ് കലാപത്തില്‍ പരിക്കേറ്റത്.
