പനാജി: ഇന്ത്യയിലെ ഏറ്റവും പ്രധാനപ്പെട്ട വിനോദ സഞ്ചാര കേന്ദ്രങ്ങളില് ഒന്നാണ് ഗോവ. കൂടാതെ, യുവാക്കളുടെ സ്വപ്ന സഞ്ചാര കേന്ദ്രമെന്നും ഗോവയെ വിശേഷിപ്പിക്കാം. പോയവര് വീണ്ടും വീണ്ടും പോകാന് ആഗ്രഹിക്കുന്ന സ്ഥലം.
മനോഹരമായ ബീച്ചുകളില് മതിവരുവോളം മദ്യപിച്ച് ഉല്ലസിക്കുന്നത് സഞ്ചാരികളെ സംബന്ധിച്ചടുത്തോളം ഏറെ പ്രിയമാണ്. മദ്യത്തിന്റെ വിലക്കുറവും യുവാക്കളെ അവിടേക്ക് പോകാന് ആകര്ഷിക്കുന്നു. എന്നാല് ആ സന്തോഷത്തിന് ഇനി അധികം ആയുസില്ലെന്നതാണ് ഗോവയില് നിന്നും പുറത്തുവരുന്ന വാര്ത്തകള് സൂചിപ്പിക്കുന്നത്.
മദ്യവിലയില് അമ്പത് ശതമാനത്തിന്റെ വര്ധനവ് ഏര്പ്പെടുത്താനുള്ള തീരുമാനത്തിലാണ് ഗോവ സര്ക്കാര്. വരുന്ന ഏപ്രില് ഒന്ന് മുതല് മദ്യവിലയില് അമ്പത് ശതമാനത്തിന്റെ വര്ധനവ് നടപ്പിലാകും. ഗോവന് മുഖ്യമന്ത്രി പ്രമോദ് സാവന്ത് നിയമസഭയിലാണ് ഇക്കാര്യം വ്യക്തമാക്കിയത്
സംസ്ഥാനത്തിന്റെ സാമ്പത്തിക പ്രതിസന്ധികള് മറികടക്കാനാണ് ഇത്തരമൊരു നീക്കത്തിലേക്ക് മുഖ്യമന്ത്രിയെ നയിച്ചത്. മദ്യവില വര്ധനവിലൂടെ 250 മുതല് 300 കോടിവരെ അധികവരുമാനമാണ് പ്രതീക്ഷിക്കുന്നതെന്ന് പ്രമോദ് സാവന്ത് നിയമ സഭയില് വ്യക്തമാക്കി. അടുത്ത വര്ഷത്തേക്കുള്ള ബജറ്റ് പ്രഖ്യാപനത്തില് ഇക്കാര്യം ഉണ്ടാകുമെന്നും അദ്ദേഹം അറിയിച്ചു.
Discussion about this post