ഭോപ്പാൽ: മധ്യപ്രദേശിലെ ഹൊഷംഗബാദിൽ വാഹനാപകടം. അപകടത്തിൽ കാറിലെ യാത്രക്കാരായിരുന്ന നാല് ഹോക്കി താരങ്ങൾ കൊല്ലപ്പെട്ടു. മരത്തിലിടിച്ച് കാർ മറിഞ്ഞാണ് അപകടമുണ്ടായതെന്നാണ് സൂചന. ധ്യാൻ ചന്ദ് ടൂർണമെന്റിനായി ഇതർസിയിൽ നിന്നും ഹൊഷംദബാദിലേക്ക് പോവുകയായിരുന്നു ദേശീയതലത്തിൽ കളിക്കുന്ന താരങ്ങൾ.
മധ്യപ്രദേശ് ഹോക്കി അക്കാദമിയിൽ പരിശീലനം നടത്തുന്ന താരങ്ങളാണ് കൊല്ലപ്പെട്ടത്. എൻഎച്ച് 69ലൂടെ പോകവെ റൈസാൽപുർ ഗ്രാമത്തിന് സമീപത്ത് വെച്ച് ഇവർ സഞ്ചരിച്ച കാർ റോഡരികിലെ മരത്തിലിടിച്ചാണ് അപകടമെന്ന് പോലീസ് പറഞ്ഞു.
കാറിൽ ഇവർക്കൊപ്പം സഞ്ചരിച്ച മൂന്ന് പേർക്ക് പരിക്കേറ്റിട്ടുണ്ട്. ഇവർ സമീപത്തെ സ്വകാര്യ ആശുപത്രിയിൽ ചികിത്സയിലാണ്. ഇതിൽ ഒരാളുടെ നില ഗുരുതരമാണെന്നാണ് റിപ്പോർട്ട്. മരിച്ചവരേയും പരിക്കേറ്റവരേയും തിരിച്ചറിഞ്ഞിട്ടില്ല. ഇവരുടെ രേഖകൾ പോലീസ് പരിശോധിച്ചുവരികയാണ്.
Madhya Pradesh: Four national level hockey players dead, three injured, in a car accident in Hoshangabad pic.twitter.com/otLiRNQzoQ
— ANI (@ANI) October 14, 2019
