അഗര്‍ത്തല: ത്രിപുരയിലെ കോണ്‍ഗ്രസ് അധ്യക്ഷന്‍ പ്രദ്യോത് ദേബ് ബര്‍മന്‍ പാര്‍ട്ടിയില്‍ നിന്ന് രാജി വെച്ചു. പാര്‍ട്ടിയിലെ അഭിപ്രായ വ്യത്യാസങ്ങളെ തുടര്‍ന്നാണ് പ്രദ്യോത് ദേബ് ബര്‍മന്‍ രാജി വെച്ചത്. രാജിവെച്ച കാര്യം ട്വിറ്ററിലൂടെയാണ് പ്രദ്യോത് ദേബ് വ്യക്തമാക്കിയത്.
‘ഏറെ നാളുകള്‍ക്ക് ശേഷം ഇന്ന് സ്വസ്ഥമായി ഉണര്‍ന്നു. കുറ്റവാളികളെയും കള്ളന്‍മാരെയും കേള്‍ക്കാതെ ഞാന്‍ ഇന്നത്തെ ദിവസം ആരംഭിച്ചു. സഹപ്രവര്‍ത്തകര്‍ പിന്നില്‍ നിന്ന് കുത്തുമോ എന്ന ഭയമില്ല, ഗ്രൂപ്പിസത്തില്‍ പങ്കുചേരേണ്ട. പ്രസന്നമായ മനസ്സോടെ ഇന്ന് എനിക്ക് രാജ്യത്തിനായി പ്രവര്‍ത്തിക്കാം’- പ്രദ്യോത് ട്വീറ്റ് ചെയ്തു. കൂടെ നിന്ന എല്ലാവര്‍ക്കുമുള്ള നന്ദിയും അദ്ദേഹം ട്വീറ്റിലൂടെ അറിയിച്ചു.
Woke up today after a long time feeling relaxed . I start this day without having to listen to criminals and liars. Not having to worry about which colleague will back stab u ,not having to indulge in groupism and backchat. Today I can contribute for my state with a clear mind. pic.twitter.com/CjqFnE8cvg
— Pradyot_Tripura (@PradyotManikya) September 24, 2019
ദേശീയ പൗരത്വ രജിസ്റ്ററുമായി ഉണ്ടായ അഭിപ്രായ ഭിന്നതകളെ തുടര്‍ന്നാണ് പ്രദ്യോത് ദേബ് ബര്‍മന്‍ രാജി വെച്ചത്. ദേശീയ പൗരത്വ രജിസ്റ്റര്‍ വിഷയത്തില്‍ പ്രദ്യോത് കേന്ദ്ര സര്‍ക്കാരിനോട് അനുകൂല നിലപാടാണ് സ്വീകരിച്ചിരുന്നത്. ദേശീയ പൗരത്വ രജിസ്റ്റര്‍ ത്രിപുരയിലും നടപ്പിലാക്കണമെന്ന് ആവശ്യപ്പെട്ട് കഴിഞ്ഞ ഒക്ടോബറില്‍ പ്രദ്യോത് സുപ്രീംകോടതിയെ സമീപിച്ചിരുന്നു. ഇത് പാര്‍ട്ടിയില്‍ അസ്വാരസ്യങ്ങള്‍ ഉണ്ടാക്കിയിരുന്നു. ഇതോടെ ഹൈക്കമാന്‍ഡുമായി അഭിപ്രായ ഭിന്നതകള്‍ രൂക്ഷമായിരുന്നു. തുടര്‍ന്നാണ് പ്രദ്യോത് രാജി സമര്‍പ്പിച്ചത്.
Thank you for all your support ! I will miss you all and i love you . I am sorry if i couldnt do enough for u but i really tried @DebjaniLaskar @BaptuTripuraINC @arnikasaha3 @ShreyasiINC @BiswajitINC @PrasenjitDas_ @pujanbiswaspyc @tanmoydharTPYC @HollywoodChakma @amitkrsaha_INC pic.twitter.com/NHUUFIzuGU
— Pradyot_Tripura (@PradyotManikya) September 24, 2019
ത്രിപുരയിലെ മാണിക്യ രാജവംശത്തിലെ അനന്തരാവകാശിയായ പ്രദ്യോത് മുന്‍ രാജാവ് കിരിത് ബിക്രം കിഷോര്‍ മാണിക്യ ദേബ് ബര്‍മന്റെ മകനാണ്.
