ന്യൂഡല്ഹി: കാശ്മീരി രാഷ്ട്രീയ പ്രവര്ത്തകയും ജെഎന്യു വിദ്യാര്ത്ഥി യൂണിയന് നേതാവുമായിരുന്ന ഷെഹ്ല റാഷിദിനെതിരെ രാജ്യദ്രോഹക്കുറ്റം ചുമത്തി. ഡല്ഹി പോലീസാണ് ഷെഹ്ല റാഷിദിനെതിരെ രാജ്യദ്രോഹക്കുറ്റം ചുമത്തിയിരിക്കുന്നത്. ജമ്മുകാശ്മീരിന് പ്രത്യേക പദവി നല്കുന്ന ആര്ട്ടിക്കിള് 370 എടുത്ത് കളഞ്ഞതിന് പിന്നാലെ ജമ്മുവില് നടക്കുന്ന മനുഷ്യാവകാശ ലംഘനങ്ങളെ കുറിച്ചുള്ള പ്രസ്താവനകളാണ് കേസിന് കാരണമായത്.
ഡല്ഹി പോലീസിന്റെ പ്രത്യേക സെല്, 124എ, 153എ, 153, 504, 505 വകുപ്പുകള് പ്രകാരമാണ് കേസെടുത്തിരിക്കുന്നത്. കാശ്മീരില് ഇന്ത്യന് സൈന്യം വീടുകളില് നിന്നും യുവാക്കളെ പിടിച്ചുകൊണ്ടുപോകുന്നുവെന്നും വീടുകളില് അനധികൃതമായി പരിശോധന നടത്തുന്നുവെന്നും ഇവര് ആരോപിച്ചിരുന്നു.
ബിജെപിയുടെ അജണ്ട നടപ്പാക്കാന് കാശ്മീരില് മനുഷ്യാവകാശങ്ങള് ലംഘിക്കുന്നുവെന്നും ഷെഹ്ല ആരോപിച്ചിരുന്നു. ഇന്ത്യന് ആര്മി അന്വേഷണക്കമ്മിഷനെ രൂപീകരിച്ചാല് തെളിവു നല്കാന് തയ്യാറാണെന്നും ഇവര് പറഞ്ഞിരുന്നു.
Discussion about this post