കല്പ്പറ്റ: വയനാട്ടില് ഭൂമികുലുക്കം. കുറിച്യര്മല, പിണങ്ങോട് മൂരിക്കാപ്പ്, അമ്പുകുത്തിമല, എടക്കല് ഗുഹ പ്രദേശങ്ങളിലാണ് മുഴക്കം കേട്ടത്. സുരക്ഷ കണക്കിലെടുത്ത് ഭൂചലനം അനുഭവപ്പെട്ട പ്രദേശങ്ങളിലുള്ളവരോട് താത്കാലികമായി ഒഴിഞ്ഞുപോകാന് അധികൃതര് നിര്ദേശം നല്കിയിട്ടുണ്ട്.
അതേസമയം, ആശങ്കപ്പെടേണ്ട സാഹചര്യമില്ലെന്നും അധികൃതര് അറിയിച്ചു. വിവരം അറിഞ്ഞ് റവന്യൂ ഉദ്യോഗസ്ഥര് സംഭവസ്ഥലത്തേയ്ക്ക് തിരിച്ചിട്ടുണ്ട്.
ഇന്ന് രാവിലെ 10.11നാണ് സംഭവം. നാട്ടുകാരാണ് വിവരം അധികൃതരെ അറിയിച്ചത്. വേണ്ട നടപടികള് സ്വീകരിക്കാന് ബന്ധപ്പെട്ട വില്ലേജ് ഓഫീസര്മാര്ക്ക് തഹസില്ദാര് നിര്ദേശം നല്കിയിട്ടുണ്ട്. മുഴക്കം കേട്ട പ്രദേശത്തെ സ്കൂളുകള്ക്ക് അവധി നല്കി.
Discussion about this post