തിരുവനന്തപുരം: എതിര്പ്പുകള്ക്ക് കാലം അവസാനം കുറിക്കുമെന്നും ശബരിമലയില് യുവതീ പ്രവേശനം സാധ്യമാവുമെന്നും നടി ഷീല. എത്ര എതിര്പ്പുകളെ അതിഡജീവിച്ചാണ് മാറുമറയ്ക്കാന് അവകാശം ലഭിച്ചത്, അതുപോലെ ശബരിമലയില് സ്ത്രീപ്രവേശനത്തിനും കാലം വഴിമാറുമെന്ന് ഷീല പറഞ്ഞു.
ഏതൊരു കാര്യവും വലിയൊരു സമരമില്ലാതെ നടന്നിട്ടില്ല. അത് നല്ലതാണോ ചീത്തയാണോ എന്നൊന്നും ഞാന് പറയുന്നില്ല. ആദ്യ കാലങ്ങളില് മാറുമറക്കാന് പറ്റാത്ത സ്ഥിതിയായിരുന്നു കേരളത്തില്. എത്ര സമരം ചെയ്തു, എന്തെല്ലാം പ്രശ്നമുണ്ടാക്കിയാണ് ഒരു ബ്ലൗസിടാന് അവര് സമ്മതിച്ചത്. അതുകൊണ്ട് ഈ സമരങ്ങളെല്ലാം വന്ന് വന്നാണ് എതിര്പ്പുകളില്ലാതായത്. ന്യൂസ്18 സംഘടിപ്പിച്ച ചടങ്ങില് സംസാരിക്കുകയായിരുന്നു ഷീല.
ചാടിക്കയറി ശബരിമലയില് ഇപ്പോള് തന്നെ പോകണം എന്ന് പറഞ്ഞ് ഉത്തരേന്ത്യയില് നിന്നടക്കം യുവതികള് വന്നത് പേര് വരാനാണെന്നും കാലം പിന്നിടുമ്പോള് പതിയെ സ്ത്രീ പ്രവേശനം സംഭവിക്കുമെന്നും ഷീല പറഞ്ഞു.
Discussion about this post